Numbers 26:55 - Bible Ni Thothup

⁵⁵ Ma ngan tay e f’oth ko yungi binaw nem ni bod urngin yang fithngan fapi ganong ko chitamangirad.

Numbers 26:55 Iomraidhean Croise

Proverbs 16:33

Girdi’ e yad ma girengiy e pow ni ngar nanged ko mang e bm’agan’ Got ngay, machane Got e ir e ma duwgiliy e fulweg riy.

Proverbs 18:18

Fa’anra malu’ag thin l’agruw ni’ ni yow ba yargal u tafen e puf oloboch, ma ngan girengiy e pow nge puf fare pa’ i oloboch.

Ezekiel 47:22

ra par ni tafenmed ni dariy n’umngin nap’an. Girdi’ nu bang nma par u fithik’med ni kar fakyed e bitir u roy e ku yad ra un ko f’oth binaw u nap’an ni gimed ra f’oth. Ngan sap ngorad ni bod rogon nri yad girdi’en yu Israel ma yad ra un ko pi genong nu Israel ngar girngiyed e pow ni nge duwgil riy e an nge tafnay bang nge bang.

Numbers 26:56

Binaw ni nge milfan ngorad ni ngan f’oth e nge m’ag nga oren e tin nib yo’or e girdi’ riy nge tin nde yo’or.”

Numbers 33:54

Mu f’othed e binaw u daken e pi ganong nge yuke girdi’ ni rogon nike gagyel ko pow ni ka mu girengiyed, ni gin baga’ e binaw e nge yan ko ken nib ga’ e girdi’ ma gin ba’chig e nge yan ko ke girdi’ nib achig.

Numbers 34:13

Ma aram me ga’ar Moses ngak fapi girdi’ nu Israel, “Irera’ e binaw nrayag ngomed nike duwgil iip ko pow ni kan girengiy, ni fare binaw ni SOMOL e ke turguy ni ngan pi’ ko fa mereb nge balay e ganong.

Numbers 36:2

Miyad ga’ar, “I SOMOL e keyog ngomed ni ngam f’othed e binaw ko girdi’ nu Israel ni duwgil ko pow nra girengyed. Miki yog ngomed ni ngam pi’ed e binaw nge tafnay fapi ppin ni pifak Zelofehad ni girdi’ rodad.

Acts 1:26

Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

Kolose 1:12

Mu um pinined e magaer u fithik’ e felfelan’ ngak e en ni Chitamangiy ni ir e ke ngongliymed kam pired nrayag ni nge yag e f’oth ngomed u urngin ban’en ko tin ke tay Got ni fan ngak e tirok’ e girdi’ ko gin nsuwon nrib tamilang.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Joshua 14:2

Ni bod rogon ni yog SOMOL ngak Moses, ni duwgil ko pow nni girengiy nge gagyelnag e yungin ni nge milfan ngak fa mereb nge balay e ganong u ba’ ni ngal e Jordan.

Joshua 17:14

Me ga’ar e pi’in owchen Josef ngak Joshua, “Mangfan ni kemus ni ta’bang ko fare gi binaw e kam pi’ ngomad ni nggu tafned? Gamad ba yo’or ni bochan e ke fal’eg SOMOL wa’athmad.”

Joshua 18:6

Mu yoloyed rogon ya’an e mathil ko medlip yang i binaw ney ngam feked i yib ngog. Ma aram e bay gu girengiy e pow nggu fith’ laniyan’ SOMOL ni Got rodad ni fan ngomed.

Joshua 19:1

Ma en ni migid nni pi’ e binaw rok e fapi tabnaw nu lan e ganong rok Simeon. Fare gi binaw e yan nge taw nga daken e gi but’ nni pi’ ko ganong rok Judah.

Joshua 19:10

Bin dalip e f’oth ko binaw e ni pi’ ngak fapi tabnaw nu lane ganong rok Zebulun. Re gi but’ nni pi’ ngorad e yan nge taw nga Sarid.

Joshua 19:17

Ma bin aningeg e f’oth ko binaw e ni pi’ ko fapi tabnaw nu lane ganong rok Issakar.

Joshua 19:24

Ma bin lal e f’oth ko binaw e ni pi’ ngak fapi tabnaw nu lane ganong rok Asher.

Joshua 19:32

Ma bin nel’ e f’oth ko binaw e ni pi’ ko fapi tabnaw nu lane ganong rok Naftali.

Joshua 19:40

Ma bin medlip e f’oth ko binaw e ni pi’ ko fapi tabnaw ko ganong rok Dan.