Numbers 25:12 - Bible Ni Thothup

¹² Ere mog ngak ni nggu ngongliy reb e m’ag ko gapas u thilmow ni nge par ni aram e pow riy e chiney i yan ngaram.

Numbers 25:12 Iomraidhean Croise

Psalms 106:30

Machane me sak’iy Finehas ngalang nge gechignag e pi’in bbuch e rorad, ma aram me tal fare m’ar.

Psalms 106:31

Ka’aram me par nga lanin’uy i Finehas ni be’ nib manigil ni dab ni pag talin e chiney iyan e ngaram.

Isaiah 54:10

Pi burey nge yungi ted e rayag ni nge puth, machane rogon nri gab t’uf rog e dariy e rofen nra mus; m’ag ko gapas ni kug micheg ngom e bay i par u gil’ ndariy n’umngin nap’an.” Irera’ rogon nike yog SOMOL ni ri gab t’uf rok.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Ezekiel 37:26

Bay gu ngongliy ba m’ag u thilmad nra micheg ni dabki buch ban’en rorad bingyal’. Bay gu tayrad ni yad bmuduwgil mu gu yo’or nagrad, ma bay gu duwgiliy ni Tempel rog e nge par u lan taferad ndariy n’umngin nap’an.

Malaki 2:8

“Machane gimed e pi prist e kam pi’ed keru’med ko bin nib mat’aw e kanawo’. Machib ni gimed be tay e ke waliy bo’or e girdi’ kar ngongliyed e kireb. Kam th’abed fare m’ag ni gu ngongliy u thildad.

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”