Numbers 24:8 - Bible Ni Thothup

⁸ Got e fekrad nga wuru’ yu Egypt; me cham ni fan ngorad ni bod rogon ba garbaw ni pumo’on ni damumuw. Yad ma ful’ e pi to’ogor rorad, miyad bilbilig yilrad, miyad tet’ar gan e gat’ing rorad.

Numbers 24:8 Iomraidhean Croise

Psalms 2:9

Bay mu gagiyeg nagrad nga pa’am nib wasey; bay mu bilbiligrad nnochiyang ni bod ba th’ib ni but’.’”

Psalms 21:12

Bayi pag gan e gat’ing rok ngorad ngar chelgad ngar milgad.

Psalms 45:5

Pi gan e gat’ing rom e bm’uth, ka ra kurufed gumircha’en e pi to’ogor rom; pi nam e ka ra parawgad nga charen rifrifen’em.

Psalms 45:6

Fare lung nike pi’ Got ngom e ra par ni manechibog ko pichibog. Bmat’aw rogon ni ga ma gagiyegnag e girdi’ rom;

Exodus 23:22

Machane fa’an gimed ra fal’eg e motoyil ngak mi gimed rin’ urngin ban’en ni kugog ni ngan rin’, ma aram e gu ra cham ngak urngin e to’ogor romed.

Isaiah 38:13

N’umngin e nnep’ ma gu ma gel’gel’ ngalang ko amith, ni gowa be tet’ar ba layon e yil rog. Gu leamnag nike museg Got e yafos rog.

Jeremiah 50:17

I SOMOL e be ga’ar, “Girdi’ nu Israel e yad bod e saf, ni lol’oeg e layon ngar wagageygad. Som’on e fare pilung nu Assyria e cham ngorad, me migid ma Nebukadnezzar ni Pilung nu Babylon e guchiy e yil rorad.

Jeremiah 50:9

Arme nggu sak’iynag bogi nam nib gel gelngin u lan e lel’och nggu gagiyeg nagrad ngar chamgad nga Babylon. Bay ra k’afgad ngar maelgad ko fare nam ngar koled. Yad bogi salap i yip’ e gamanman, nge mun gat’ing ni dariy e n’en ni nge rin’ me chalaf pa’rad.

Daniel 6:24

Me yog fare pilung ni urngin fapi girdi’ nrabad ra adaw niged Daniel ngak e ngan uneg e ppin rorad ngorad nge pifakrad nga nin’rad ngalan fare low ni tafen e layon. Dawor ra awgad nga t’ay e low me og e layon ngorad nge tet’ar urngin e yil u dowrad.

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

Numbers 21:5

miyad non nib togopluw ngak Got nge Moses ni lungurad, “Mangfan ni mfekmad u Egypt ni nggu m’ad u roy u daken e re gi ted ney ndariy e ggan nge ran riy? Ya kar gu dabuyed e tiney e ggan ni gamad be kay!”

Numbers 23:22

I Got e ke fekrad nga wuru’ yu Egypt; Ma cham ni pa’rad ni bod rogon ba garbaw ni pumo’on nib damumuw.

Numbers 23:24

Yu Israel e bod ba layon nib gel: Ni dabi toffan nge mada’ ko ngiyal’ nike popof ke longuy Ma ke unum racha’en e pi’in nike li’ kem’.”

Matthew 2:15

ni aram e gin ni par riy nge mada’ ko ngiyal’ ni yim’ Herod. Ren’ey e nrin’ ni aram rogon ni fan e nge yib i m’ug nib riyul’ e pin’en ni yog Somol u l’ugun fare profet ni ga’ar, “Kug pining Fakag u Egypt.”

Deuteronomy 32:23

“‘Bay gu yumeynag e riya’ ngorad mu gu pag gubin e gan e gat’ing rog ngorad.

Deuteronomy 32:42

Pi gan e gat’ing rog e bay i lul’ racha’rad riy, ma saydon e bayi thang e pogofan rok urngin e pi’in ur togopluwgad ngog. Dariy ta’abe’ ni i cham ngog ni gu ra pag, mus ko pi’in kar maad’adgad nge pi’in kan kolrad ko mael ni yad ra yim’.’

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Joshua 2:10

Kug rung’aged rogon ni mliknag SOMOL e ran ko Red Sea nge yag ni mu chuwgad u Egypt. Ma ku gu rung’aged rogon ni ka mu thanged owchen Sihon nge Og, ni fa gal pilung nu Amor ko ley ni ngek fare lul’ ni Jordan.