Numbers 23:24 - Bible Ni Thothup

²⁴ Yu Israel e bod ba layon nib gel: Ni dabi toffan nge mada’ ko ngiyal’ nike popof ke longuy Ma ke unum racha’en e pi’in nike li’ kem’.”

Numbers 23:24 Iomraidhean Croise

Genesis 49:27

“I Benjamin e bod ba gamanman ni wolf nma thang e pogofan; Kadbul e ma languy e n’en nike li’, Ma blayal’ me pag e f’oth nga k’on.”

Genesis 49:9

Judah e ba layon ni bfel’ yangren. Ma li’ e n’en ni nge li’ me sul ko gin nma mith riy. Judah e bod ba layon, ma k’iyag ir nge mol nga but’, ma dariy be’ nra finey ni nge rin’ ban’en ngak.

2 Kronicles 9:18

Nel’ e tawo’ ni yan ngalang ko fare chiya ko pilung, ma kan tay tagil’ rifrifen ay riy nib peth ngay ni kan ing ko gol. Bay tagil’ i pa’ay u barba’ ngu barba’ fare chiya, ma ra barba’ fare chiya ma bay ba ya’an e gamanman ni layon riy nib sak’iy.

Psalms 17:12

Yad bod bogi layon, ni yad be son nigeg, ni yad ba’adag ni ngar popofedgag ni nochyang.

Proverbs 30:30

layon, ni yad e th’abi gel u fithik’ e gamanman ma dariy ban’en ni marus ngay;

Isaiah 31:4

I ga’ar SOMOL ngog, “Rogon ni dabiyag ni tuluf bogi tagafaliy e saf ba layon rok ba gamanman nike li’, ndemturug ga’ngin lamrad ni yad be tolul ni nge chuw, e aram rogon ndariy ban’en nrayag ni nge teg u urel, I Gag fare SOMOL ni Gubin ma Rayag Rok, ni nge dab ku gu yoror rok e Burey ni Zion.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Nahum 2:11

Ere bu uw fare binaw e chiney ni fa’an gowa tafen e layon, ni aram e gin un durwi’iy pifak e layon riy, ni ku aram e gin ma yan e layon ni pumo’on nge ppin ngay ngu’ur ayweged pifakrad riy ni dabi buch ban’en rorad?

Nahum 2:12

Fare layon e li’ k’on nge popof nge yochyang ni fan ngak le’engin nge pifak; me suguy tafen ko ufin nike popof.

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.

Numbers 23:25

Ma aram me ga’ar Balak ngak Balaam, “Kam siyeg ni ngam yibil nge buch wa’athan e girdi’ nu Israel, machane ku da mfal’eg wa’athrad!”

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Deuteronomy 33:20

Me yog murung’agen e ganong rok Gad ni ga’ar: “Ke sorok Got ni gagiyegnag nge ga’ e gin yad be par riy. I Gad e be son ni bod ba layon ni nge pof baraba’ i pa’ay ara nge bilig lolgey.

Revelation 5:5

Me ga’ar bagayad fa pi’in pi’ilal ngog, “Dakumur yor. A mu changar! Fare Layon ni yib ko ganong rok Judah, ni fa’anem ni ba sorok ni ir owchen David e ke gel ngak e kireb nrayag ni nge guchthuy fa medlip i hang nge pithig fare gi babyor ni kan bachiy.”