Numbers 23:22 - Bible Ni Thothup

²² I Got e ke fekrad nga wuru’ yu Egypt; Ma cham ni pa’rad ni bod rogon ba garbaw ni pumo’on nib damumuw.

Numbers 23:22 Iomraidhean Croise

Psalms 22:21

Mu lageg u pa’ e pi layon ney; dabiyag ni gu ayuwegneg ko pi garbaw ni malboch ney.

Psalms 68:35

Ri ra ngat’ ngak Got nike yib u tagil’ nib thothup — fare Got rok yu Israel! Ma pi’ gelngin ngak e girdi’ rok. Ke sorok Got!

Psalms 92:10

Ka mu gel nigeg kug bod feni gel ba garbaw ni malboch; ma ka mu tow’ath nigeg ko felfelan’.

Exodus 12:41

Rofen ni gaman e 430 e duw ngay e gubin e ganong rok SOMOL nra chuwgad u Egypt.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

Exodus 14:18

Nap’an ni gu ra gel ngorad, ma bayi nang piyu Egypt ni gag e SOMOL.”

Exodus 20:2

“I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Isaiah 34:7

Girdi’ e bay i thig ni bod e gamanman ni garbaw ni malboch nge pifak e garbaw, ma fayleng e bayi row ko racha’ me sug daken ko mam.

Numbers 22:5

e girdi’ ni ngranod ra pininged Balaam ni be’ nib mo’on ni fak Beor ni bay u Pethor nib chugur ko lul’ ni Eufrates ni bay u lan e nam nu Amaw. Ba’aray e thin nra feked i yan ngak: “Gu ba’adag ni ngam nang ni girdi’en ba nam ni plo’ e karbad u Egypt; ma girdi’ riy e kar wergad nga gubin yang ma sana bay ra feked e nam romad.

Numbers 24:8

Got e fekrad nga wuru’ yu Egypt; me cham ni fan ngorad ni bod rogon ba garbaw ni pumo’on ni damumuw. Yad ma ful’ e pi to’ogor rorad, miyad bilbilig yilrad, miyad tet’ar gan e gat’ing rorad.

Deuteronomy 33:17

Josef e bod gelngin ba garbaw ni pumo’on, ni bod e gagey rok ba garbaw ni malboch. Gagey rok e fa yu biyu’ i girdi’ rok Manasseh, nge fa yu ragag i biyu’ i girdi’ rok Efraim. Ir e ma yip’ ngak e pi nam nge thuruyrad i yan nga thathran e fayleng.”

Joshua 2:10

Kug rung’aged rogon ni mliknag SOMOL e ran ko Red Sea nge yag ni mu chuwgad u Egypt. Ma ku gu rung’aged rogon ni ka mu thanged owchen Sihon nge Og, ni fa gal pilung nu Amor ko ley ni ngek fare lul’ ni Jordan.