Numbers 21:9 - Bible Ni Thothup

⁹ Me ngongliy Moses ba porchoyog ko wasey ni bronze nge tay nga p’ebgul ba ley i gek’iy nge suweg ngalang. Mra k’ad e porchoyog be’ me yan i sap ko re porchoyog ni bronze nem ma dabki yim’.

Numbers 21:9 Iomraidhean Croise

2 Kings 18:4

I gathay fa yungi tagil’ e meybil rok e pi’in ndar nanged SOMOL, me t’ar fapi yu raba’ i malang nga but’ me th’ab nga but’ fapi liyos ni ya’an fare got ni bpin i Asherah. Miki tet’ar nge yuchiyang fare ya’an e porchoyog ni bronze ni ngongliy Moses, min tunguy Nehushtan ngay. Ma kakrom nge mada’ ko ngiyal’nem e ma urfiy e girdi’ nu Israel e pi incense ni yad be tayfan.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

John 12:32

Ngiyal’ ni yira tiningeg ngalang u fayleng, e bay gu girengiy urngin e girdi’ ngog.” (

John 6:40

Ya ba’aray e n’en ni ba’adag e Chitamag: ba’adag ni urngin e pi’in yad ra guy e en ni Fak me mich u wun’rad e aram e ke yag e yafos ndariy n’umngin nap’an ngorad; ma chirofen ni tomur ko rran e bay gu fasegrad ko yam’.”

Roma 1:17

Ya Thin Ni Bfel’ ni yib rok Got e be dag rogon nma mat’awnag Got e girdi’ ngak ni ba’aray rogon: ma mat’awnagrad ngak ni kemus ni fa’anra mich Kristus u wun’rad mi i gel e michan’ rorad ngak i yan. Ni bod rogon ni be yog e babyor nib thothup ni be ga’ar, “En nike mat’aw ngak Got ni bochan e ke mich Got u wan’ e ra fos.”

Roma 8:3

I Got e ke rin’ e n’en nde yag ni nge rin’ e Motochiyel ni fan ngodad ni bochan e gadad bme’ewaer nrogon e girdi’. Ke l’oeg Fak ke yib ni bay downgin ni bod rogon e dowef rodad nrayag ni nge denen, mu fithik’ e re dowef nem ni pi’ ni maligach e gechignag Got e denen riy.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

1 John 3:8

Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.