Numbers 20:15 - Bible Ni Thothup

¹⁵ nge rogon ni yan e pi ga’ romad nga Egypt, ma gamad par u rom ni pire’ e duw. Mi i gafgownag yu Egypt epi ga’ romad nge gamad,

Numbers 20:15 Iomraidhean Croise

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 46:6

Miyad fek e gamanman rorad nge urngin ban’en rorad ni yag ngorad u Kanaan ngranod nga Egypt. Me fek Jakob urngin e pi’in owchen ngar uned ngak,

Genesis 46:7

ni aram pifak ni pumo’on, nge pi pumo’on ni pifakrad, nge ppin ni pifak, nge pi ppin ni fak pifak.

2 Samuel 12:18

Ma fa’ani m’ay reb e wik me yim’ fare tir, me tamdag e pi tolang ni bay nga tan pa’ David ni nga rogned ngak nike aw e pogofan rok fare tir. Ya lungurad, “Ngiyal’ ni ba’aram ni kab fos fare tir rok, ma gadad ra non ngak David ma dabi fulweg lungudad. Ere uw rogon ni nga dogned ngak nike yim’ fak? Ya ri fini ngongliy ban’en ngak nib gel e gafgow riy!”

Exodus 1:16

I ga’ar ngorow, “Gimew ra ayuweg e ppin ni Hebrew ko ngiyal’ ni ngar gargelgad, ma fa’anra ba pumo’on e bitir, mi gimew thang e fan rok, ma fa’anra bpin, ma dab mu li’ew.”

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Exodus 12:40

Piyu Israel e ra pired u Egypt ni 430 e duw.

Exodus 5:14

Fapi cha’ nu Egypt ni yad ma gelnag e thin ngak piyu Israel ngar maruwelgad nib gel e ra toyed e girdi’ nu Israel ni yad ba ga’ u taban e maruwel, miyad fith ngorad ni lungurad, “Mangfan romed e pi girdi’ nir nda mu ngongliyed e rengnga e daba’ nta’reb urngin ko rengnga ni um ngongliyed kafaram?”

Numbers 11:5

U Egypt e ud ked e nig riy ndariy puluwon, nge kiyuri, nge mayis, nge subuyas, nge garlik.

Numbers 16:13

Mog dawori fel’ u wun’um ni kam fekmad nga wuru’ yu Egypt nib nam nib yong’ol e but’ riy ngamub mu thangmad ngaray u lan e gi ted ney? Ere gur e ngkum par nib ga’ lungum romad?

Numbers 20:14

Me pi’ Moses e pi mol’og u Kadesh ngranod ko pilung nu Edom nge lungrad ngak, “Ba’aray e thin nike yib rok pi walagem ni fapi ganong nu Israel. Ga manang urngin e gafgow ni kug ted,

Numbers 20:16

ma gamad wenig ngak SOMOL ni nge ayuwegmad. Me rung’ag e meybil romad me pi’ ba engel nge yib nge pow’iymad nga wuru’ yu Egypt. Chiney e gamad bay u Kadesh, nib binaw ni bay ko mathil ko nam rom.

Acts 7:15

Ma aram me yan Jakob nga Egypt, ni aram e gin ni yim’ riy nge pi chitamangidad.

Acts 7:19

Mi i bannag e girdi’ rodad ma rib kireb e n’en ni i rin’ ngak e pi chitamangidad, mi i gelnag e thin ngorad ni ngar ted pifakrad ni kabran nga waen, ni fan e ngarm’ad.

Deuteronomy 26:6

Piyu Egypt e ba gel e gafgow nra ted ngomad miyad yargel ngomad ni nggu maruwelgad ni sib.