Numbers 19:19 - Bible Ni Thothup

¹⁹ Ma rofen ni dalip fen nge rofen ni medlip fen ngay e cha’ ni kan machalbognag e nge atngiy e ran nga daken en nib ta’ay. Ma rofen ni medlip fen e nge machalbognag fa’anem, u tomuren nike luknag e mad rok ma ke pu’og e ran nga daken, mra be’ech fa’anem u nap’an ni nge aw e yal’.

Numbers 19:19 Iomraidhean Croise

Genesis 2:2

Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Levitikus 14:7

Me atngiy e racha’ riy ni medlip yay nga daken facha’ ni ngan be’echnag ko m’ar ni dowef, ma aram e fare prist e nge yog nike be’ech facha’. Me pag fabinem e arche’ ni kabfos nge changeg nge yan ngalan e tafelfel’.

Levitikus 14:9

Ma rofen nra gaman e medlip fen ngay e ngki puy piyan lolgen nge m’ay, nge roben, nge wuthungin, nge urngin e piy u downgin; me luknag e mad rok miki maluk, ma aram e ke be’ech.

Numbers 19:12

Ma thangri be’echnag ir ko ran ni fan ko machalbog ko bin ni dalip e rran nge bin medlip e rran, ma aram e ra be’ech. Machane fa’anra dabi be’echnag ir u lan reb e gali rran ney ni bin dalip nge bin medlip e rran, ma dabi be’ech.

Numbers 19:13

Demturug be’ nra math nga ba yam’ mde be’echnag ir e ra par nib ta’ay, ni bochan e fare ran ni yima machalbog nagey ngay e dawor ni pu’og nga daken. Ma ke ta’aynag fare Tent rok SOMOL, ma aram e bay ni tay ni gathi ku ir reb e girdi’ rok SOMOL.

Numbers 19:18

N’en ni ngan rin’ u m’on, e be’ nib be’ech e nge fek bochpa’ i hyssop, nge lithag nga fithik’ fapi ran nge atngiy fare Tent, nge gathon fare Tent, nge nga dakene girdi’ ni bay u rom. Ma bin migid ngay ni ngan rin’, e be’ nib be’ech e nge atngiy e ran nga daken fa’anem nike math nga yilen ba yam’ ara ba yam’ ara low ko yam’.

Numbers 31:19

Chine’ e urngin i gimed ni thang reb e pogofan fa math nga ba ldow e thangri par nga wuru’ e gin nma par yu Israel riy ni medlip fen. Ma bin ni dalip e rran nge bin medlip fen e ngam be’ech niged gimed nge ppin ni gimed e mu yag niged.

Numbers 31:24

Ma bin ni medlip fen ngay, e thingar mu maluk niged e yung i mad romed; ma aram e gimed ra be’ech iip ma yira ni pagmed nga langgin e gin be par yu Israel riy.”

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Hebrews 10:22

Ere ngad chuchugurgad ngak Got ni gadad ba yul’yul’ u lanin’dad ngak ma mmich u wun’dad nder maruwaran’dad rok, nge lanin’dad ni kan be’echnag ndakir yog ngodad ban’en nib kireb ni kad rin’ed, nge dowef ni kan maluknag ko ran nib machalbog.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

Jude 1:23

mu girngiyed yad nib tomgin ngar chuwgad u mit e nifiy ngar thapgad ngak Got. Ma ku errogon ni ngam runguyed u fithik’ e tamdag e tin ni kabay e girdi; machane mus ko mad rorad nike alitnag e tin nib kireb ni yad be ar’arnag ni ngam dabuyed.