Numbers 19:13 - Bible Ni Thothup

¹³ Demturug be’ nra math nga ba yam’ mde be’echnag ir e ra par nib ta’ay, ni bochan e fare ran ni yima machalbog nagey ngay e dawor ni pu’og nga daken. Ma ke ta’aynag fare Tent rok SOMOL, ma aram e bay ni tay ni gathi ku ir reb e girdi’ rok SOMOL.

Numbers 19:13 Iomraidhean Croise

Exodus 30:33

En nra ngongliy reb ni bod e biney ara fanay boch nge gapgepnag yug be’ ni gathi ba prist, e aram e dabki mang reb e girdi’ rog.’”

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Ezekiel 44:26

Tomuren nike be’ech bayay, ma nge son ni medlip e rran,

Levitikus 15:31

I SOMOL e yog ngak Moses ni nge yog ko girdi’ nu Israel ni ngar kol ayuwgad u rogon e tin ba ta’ay ban’en, ya nge dab ra ta’ay niged fare Tent u p’eowchen, ni bay u lulukngun fa gin’en ni kar n’ufed e tent rorad riy. Ya yad ra rin’, ma yad ra yim’.

Levitikus 20:3

Fa’anra pi’ be’ reb i fak ngak Molek, ma aram e ke alitnag e Tent rog nib thothup ma ke dariy fannag fithingag nib thothup, ma bay gu cheal nggu togopluw ngak ma dakuriy e n’en nra rin’ mu gu leamnag ni ir reb e girdi’ rog.

Levitikus 22:3

Demturug e re mfen nra taw ngay ma ra ba ta’ay reb e pi’in owchemed, me yib nga to’oben fapi maligach nib tabgul nike pi’ e girdi’ nu Israel ngog, ma aram e dakuriy bangiyal’ ni ku ra pigpig ngog ko fare altar. I Gag SOMOL.

Levitikus 22:4

“Dariy reb e pi’in owchen Aron nrayag ni nge kay boch ko fapi maligach nib tabgul ni fa’anra ke yib bm’ar ko dowef ngak, fa be yib logwen dow ni rogon e pumo’on nge taw ko ngiyal’ nike be’ech. Ma ku ra par nib ta’ay ni fa’anra math nga ban’en nib ta’ay ni bod e yam’ ara be’ nib mo’on ni be yib logwen downgin,

Levitikus 5:17

Fa’anra denen be’ nge th’ab reb fapi motochiyel rok SOMOL ni kal riy, ma aram e ke buch e rok ma thangri pi’ puluwon ni aram e gechig rok.

Levitikus 5:3

Fa’anra kal be’ nge math nga ban’en nib ta’ay ni yib rok ba girdi’, ndemturug ko mang, ma yug nap’an e ra nang e n’en ke rin’, ma ke buch e rok.

Levitikus 5:6

ma puluwon e denen rok ni nge fek i yib ngak SOMOL e ba saf ni bpin ara ba kaming ni maligach. Ma fare prist e nge pi’ ni maligach ni fan ko denen rok facha’.

Levitikus 7:20

machane fa’anra be’ nib ta’ay e ke kay bang riy, ma yira n’ag facha’ ndabki mang reb e girdi’ rok Got.

Levitikus 7:21

Ma fa’anra math be’ nga ban’en nib ta’ay u mit Got ndemturug ko ban’en rok e girdi’ fa gamanman, me kay ufin fare maligach, ma yira n’ag facha’ ndabki mang reb e girdi’ rok Got.

Numbers 15:30

Machane demturug be’ nra denen nri tafinay rok, ndemturug ko be’ nu Israel fa be’ nu reb e nam ni be par u Israel ma bbuch e rok, ya be dariyfannag SOMOL, ere yira thang e pogofan rok,

Numbers 19:14

Fa’anra chey ni yim’ be’ u lan e Tent, ma cha’ ni bay rok u lan e Tent e ngiyal’nem ni yim facha’ ara yib ngalan e Tent ma ra par nib taay ni medlip fen.

Numbers 19:18

N’en ni ngan rin’ u m’on, e be’ nib be’ech e nge fek bochpa’ i hyssop, nge lithag nga fithik’ fapi ran nge atngiy fare Tent, nge gathon fare Tent, nge nga dakene girdi’ ni bay u rom. Ma bin migid ngay ni ngan rin’, e be’ nib be’ech e nge atngiy e ran nga daken fa’anem nike math nga yilen ba yam’ ara ba yam’ ara low ko yam’.

Numbers 19:19

Ma rofen ni dalip fen nge rofen ni medlip fen ngay e cha’ ni kan machalbognag e nge atngiy e ran nga daken en nib ta’ay. Ma rofen ni medlip fen e nge machalbognag fa’anem, u tomuren nike luknag e mad rok ma ke pu’og e ran nga daken, mra be’ech fa’anem u nap’an ni nge aw e yal’.

Numbers 19:20

Fa’anra be’ nib ta’ay ma dawri be’echnag ir e ra par nib ta’ay, ni bochan e ran ni yima machalbog nigey ngay e dawor nin’ nga daken. Ma aram e ir e ke ta’aynag e Tent rok SOMOL ma dab kun tay ni reb e girdi’ rok Got.

Numbers 19:9

Ma be’ nib pumo’on nib be’ech e nge kunkunuy e awat ko fare garbaw nge yan i tay ngabang ni kub tabgul nga wuru’ fa gin ni be par piyu Israel riy, ngu’un cha’riy u rom nge mada’ ko ngiyal’ ni nge fanay yu Israel ko ran ni bangbengin e be’ech. Biney e gam’ing e fan ko denen ni ngan chuweg.

Numbers 8:7

ni ba’aray rogon: mu atngiy fare ran nma machalbog nigey nga dakenrad magog ngorad ngar puyed e piy u dowrad ni ga’ngin miyad luknag e mad rorad. Ma aram miyad machalbog.

Numbers 9:13

Machane en nib be’ech nde ta’ay ma demoy u milekag mde un i madnomnag e Paluk’af, e yira n’ag ndabki mang girdi’eg, ni bochan e de pi’ fare maligach ngog ko ngiyal’ ni nge pi’ riy. Thangri gafgow u wenegan e denen rok.

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

Hebrews 9:10

Kemus ni fan ko ggan, nge garbod, nge gam’ingin e maluk nge maluknag ban’en nrogon ko ba’ rorad e taliw. Pin’ey ni urngin e motochiyel ni fan nga wuru’ i dowey, ni kemus ni bay fan nge yan i mada’ ko ngiyal’ ni nge thiliyeg Got urngin e pin’ey nge be’ech.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Revelation 22:11

En nib kireb e aram e thingari i par ni yigo’o tin nib kireb e be rin’, ma en nib alit e aram e thingari i par nib alit; ma en ni bfel’ e aram e thingari i par ni yigo’o tin ni bfel’ e be rin’, ma en nib thothup e aram e thingari i par nib thothup.”

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.