Numbers 18:4 - Bible Ni Thothup

⁴ Ngar’uned ngom ko maruwel ngar lebguyed e tin dabisiy nib milfan ngorad e maruwel ni pigpig u langgin fare Tent, machane be’ ni dariy mat’won e dabi un ngom ko maruwel.

Numbers 18:4 Iomraidhean Croise

Ezekiel 44:14

Bay gu pagfan ngorad e tin ba’achig e maruwel ni thingar ur rin’ed u lan e Tempel.”

Numbers 1:51

Gubin ngiyal’ ni gimed ra deg ni ngam marod, ma pi Levite e yad e ngar piliged nga but’ fare Tent ma ku yad e yad ra n’uf ngalang bayay ko gin ni kam turguyed ni aram e gin ngam pired riy e ngiyal’nem. Ma yug be’ ni nge chugur nga charen fare Tent e yira thang e fan rok.

Numbers 1:53

Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 18:3

Ngar lebguyed e maruwel rorad ni fan ngom nge tin dabisiy nib milfan ngorad ni ngar maruwliyed ni fan ko fare Tent, machane dab ramathgad nga ban’en nib thothup u langgin fa Gin nib Thothuth fa ban’en nu altar. Ma fa’an yad ra rin’, ma yira thang e pogogan rorad ma ku eritay gur.

Numbers 18:5

Makri mus ni gur nge pi pumo’on ni fakam e thingar mu libguyed e tin dabisiy nib milfan ngomed ni ngam bangbeng niged ni fan ko fa Gin nib Thothup nge fare altar, ya nge dabki aw e damumuw rog bayay nga daken e girdi’ nu Israel.

Numbers 3:10

Thingar mmel’eg Aron nge pifak ni pumo’on ni ngu’ur rin’ed e maruwel ko prist; ma yug be’ ni nge guy rogon ngki rin’ e pi maruwel ney e yira thang e fan rok.”

Numbers 31:30

Ma guruy ni kan pi ko tin kaba’ e girdi’ e ngan fek ta’reb u fithik’ urngin e yu wugem ko pi kalbus ma ku aram rogon ni ngan rin’ ko garbaw, dongki, saf, nge kaming. Min pi’ ngak e pi Levite ni yad e ba milfan e Tent rok SOMOL ngorad.”

Numbers 8:26

Nap’an nra taw ko duw rok be’ ni nge tal ko maruwel, ma ku rayag ni ngi i pi’ e ayuw ngak e tin kabe maruwel e girdi’ u lan fare Tent, machane dab kun pagfan reb e maruwel ngak ni yigo’ ir ngay. Irera’ rogon ni ngu’um gafaliy rogon e maruwel ni ngi i rin’ e pi Levite.”

1 Samuel 6:19

I SOMOL e thang e pogofan rok medlip i ragag e pumo’on nu Beth Shemesh ni bochan e ranod ra chocho’gad ngalan fare Kahol ko M’ag. Me dolo’loy e girdi’ ni bochan e bo’or e girdi’ ni li’ SOMOL u fithik’rad.