Numbers 16:33 - Bible Ni Thothup

³³ Ma aram mranod nga tan e but’ nga tafen e yam’, nib mu’un e chugum rorad ngorad. Me sul e but’ nga ta’bang nge par nrogon, ma kar m’aygad ngabang.

Numbers 16:33 Iomraidhean Croise

Psalms 141:7

Bod e ren ni kan sey ngan th’eth’ab nge yuchiyang, aram rogon yilrad nra wearwear u mirichlen e low.

Psalms 143:7

SOMOL, mu non ngog e chiney! Ka ri mulan’ug. Dab mmithagem rog, ya rug un u fithik’ e pi’in nge yan nga’ar ko fayleng ko yam’.

Psalms 55:15

Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Psalms 55:16

Machane gu be ning e ayuw ngak SOMOL ni Got, ma bayi ayuwegneg.

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

Psalms 69:15

Dab mpag e ran nge yib i thareyeg; dab mpageg nggu limoch u ar, ara mpageg nggu wan nga low ko yam’.

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Isaiah 14:15

Machane gur e yer, ni ka ni girngiyem nga but’ ko gin th’abi to’ar ko fayleng ko yam’.

Isaiah 14:9

“Fayleng ko yam’ e ke fal’eg rogon ni fan ko wub rok fare pilung nu Babylon. Pi kan rok e pi’in immoy nib gel gelngirad u fayleng e ke mada’ ufrad ngalang. Ma pi ya’al rok e pi pilung e kar sak’iygad u tagilrad.

Isaiah 38:18

Dariy ta’be’ ko fayleng ko yam’ nrayag ni pining e sorok ngom; pi’in yad ba yam’ e dabiyag ni nge pagan’rad nga fanam yul’yul’.

Ezekiel 31:14

Are chiney i yan ngaram e dakriy ba kaen e gek’iy, ni demturug fani yo’or e ran riy, nrayag ni n’uw nge ta’reb n’umngin ngay bayay ara yan tamal’ingin nge tun ko manileng ni aram fani tolang. Urngin kaen e gek’iy nike riya’ ni nge yim’ ni bod e girdi’, kar riya’gad ni ngar uned ko pi’in ni nge yan nga’ar ko fayleng ko yam’.”

Ezekiel 32:18

“Fak e girdi’, mu dololoy’nag urngin e girdi’ nu Egypt. Mon’rad nga’ar nib cheag fapi nam ngay nib gel gelngirad ngranod ko fayleng ko yam’.

Ezekiel 32:30

“Urngin e fak e pilung ko lel’och ni yad bay u rom, ma ku aram rogon e piyu Sidon. Gelngirad e immoy bangyal’ ni ur k’arnged e marus i yan, machane chiney e karanod nga’ar nib m’ayfarad, ko pi’in li’rad ko mael ni kan k’eyegrad, ndariy bagyad nni maad’adnag ni bod ni yog e motochiyel rok Moses. Kar uned ko m’ayfan ko pi’in nranod nga’ar ko fare fayleng ko yam’.

Numbers 16:32

nge ful’ row nge chon e tabnaw rorow, nib mu’un urngin e pi’in yad Korah ngabang nge urngin e chugum rorad.

Numbers 16:34

Ma urngin e girdi’ nu Israel ni urmed u rom e ra milgad nnap’an nrung’aged lungun fapi girdi’ nra yorgad. Me tolul piyu Israel ni be lungurad, “Da milgad! Ya richey miki ful’dad e but’!”

Numbers 22:33

Machane dongki rom e guyeg me pilo’ rog ni dalip yay. Fa’an mang e de rin’ ma kug thang e pogofan rom, mu gu pag ndab gu li’.”

Numbers 26:11

Machane pi pumo’on ni fak Korah e dan li’rad.)

Deuteronomy 32:22

Damumuw rog e bayi daramram ngalang ni bod e nifiy nge urfiy urngin ban’en u fayleng. Ra yan i taw ko bin nu ar e fayleng me ful’ enggin e pi burey.

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.