Numbers 16:30 - Bible Ni Thothup

³⁰ Machane fa’anra rin’ SOMOL ban’en ndawor ni rung’ag, ni nge mab e but’ nge ful’ e gali cha’ney nib mu’un urngin e tin nib milfan ngorow ban’en ngranod nga’ar ni kayad bfos nga tafen e yam’, ma aram e kam nanged ni picha’ ney e kar pi’ed keru’rad ngak SOMOL.”

Numbers 16:30 Iomraidhean Croise

BABYOR NI JOB 31:2

Mang e ma rin’ Got ni Gubin ma Rayag Rok ngodad? Uw rogon nma pi’ puluwon e pi ngongol nma rin’ e girdi’?

BABYOR NI JOB 31:3

Ma pi’ e riya’ nge mogothgoth nge yib ngak e pi’in yad ma rin’ e kireb.

Psalms 124:3

ma kar ful’ed gadad ni ka gadad bafos u gelngin e damumuw rorad ngodad;

Psalms 55:15

Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.

Isaiah 28:21

I SOMOL e ra cham ni bod ni rin’ ko fare Burey nu Perazim ngu lan e loway nu Gibeon, ni bochan e nge rin’ e tin ni leamnag ni nge rin’, nib thil nga rogon e tin marin’. Ra mu’nag e maruwel rok, ni maruwel ni dab nnang fan.

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Isaiah 45:12

I gag e gu sunumeg e fayleng, mu gu sunumeg e girdi’ ni nge par riy. Gelngig e gu filath lanelang ngay; gu be gagiyegnag e yal’ nge pul nge pi t’uf.

Isaiah 45:7

I gag e gu sunumiy e tamilang nge lumor; gu ma fek e fel’ rogon nge gafgow i yib. I Gag SOMOL e gu be rin’ urngin e pin’ey.

Jeremiah 31:22

Uw n’umngin nap’an ni ngam pired ni gimed be toruruw, gimed e pi girdi’ nir ndariy e michean’ romed? I Gag SOMOL e ku gu ngongliy ban’en nib be’ech mab thil nga daken e fayleng: bod feni thil be’ ni bpin ni be yoror rok be’ nib pumo’on ni nge dabi buch ban’en rok.”

Ezekiel 31:14

Are chiney i yan ngaram e dakriy ba kaen e gek’iy, ni demturug fani yo’or e ran riy, nrayag ni n’uw nge ta’reb n’umngin ngay bayay ara yan tamal’ingin nge tun ko manileng ni aram fani tolang. Urngin kaen e gek’iy nike riya’ ni nge yim’ ni bod e girdi’, kar riya’gad ni ngar uned ko pi’in ni nge yan nga’ar ko fayleng ko yam’.”

Numbers 16:31

Ma yug nap’an ni mu’ Moses ko numon, me say e but’ u tan Dathan nge Abiram

Numbers 16:33

Ma aram mranod nga tan e but’ nga tafen e yam’, nib mu’un e chugum rorad ngorad. Me sul e but’ nga ta’bang nge par nrogon, ma kar m’aygad ngabang.