Numbers 16:28 - Bible Ni Thothup

²⁸ Me ga’ar Moses ngak fapi girdi’, “Irera’ rogon mi gimed nang ni SOMOL e ke pi’eg ni ngu’ug rin’ e pi maruwel n’ey, gathigag e kug turguy rog ni ngu’ug rin’ ni gubin.

Numbers 16:28 Iomraidhean Croise

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

Exodus 3:12

Me ga’ar Got ngak, “Bay gu un ngom, ma ba’aray e mich riy ni bayi m’ug ni gag e ku gol’igem, nap’an ni ga ra fek piyu Israel nga wuru’ yu Egypt, ma bay mub mu meybil ngog u daken e re burey ney.”

Exodus 4:12

Ere mman; ya bay gu ayuwegnem ngam welthin, ma bay gog ngom e n’en ni ngamog.”

Exodus 4:15

Rayag ni mu welthin ngak ma ga weliy ngak e n’en ni nge yog. Bay gu ayuwegmew ngam welthingow, mu gog ngomew e n’en ni ngam rin’ew.

Exodus 7:9

“Fa’anra ga’ar fare pilung ngomew, ‘Mu ngongliyew ba maang’ang nge micheg nriyul’ e thin ni gimew be yog,’ ma aram e ngamog ngak Aron, ni nge fek e sog rok nge yin’ nga but’ u p’eowchen fare pilung, nge ngal’ ni ba porchoyog.”

Jeremiah 23:16

I SOMOL ni Gubin ma Rayag Rok e ga’ar ngak e girdi’ nu Jerusalem, “Dab mu telmed ko tin nra yog e pi profet ngomed; ya yad be ban nagmed ni nge l’agan’med nga bogi ban’en nde riyul’. Yad be weliy ngomed bogi ban’en ni yad e sum ko leam rorad, ma gathi gag e gog ngorad.

Ezekiel 13:17

SOMOL e ga’ar, “Fak e girdi’, mu yaliy e ppin u fithik’ e girdi’ rom ni yad be tunguy boch ban’en ni bayi buch. Mu gechig nagrad

Zekariah 2:9

“I SOMOL e ir e bayi cham nib togopluw ngomed, ma pi girdi’ ni urmed bangiyal’ ni ur pigpig gad romed e bay i mangyad e ra giliw niged gimed.” Nap’an nra buch e ren’ey, ma gubin e girdi’ nra nang ni SOMOL ni Gubin ma Rayag Rok e ke l’ogeg.

Zekariah 4:9

Ni be ga’ar, “I Zerubbabel e yin’ e def ko fare Tempel, ma ra mu’nag fare naun. Nap’an nra yodroy e pin’ey, ma girdi’ rog e bay ra nanged ni rriyul’ ni gag e kug l’oegem ngorad.

Numbers 24:13

ni mus ni fa’an ga ra pi’ ngog urngin e silber nge gol ni bay u tabinaw rom, ma SOMOL ku ir e gu ra fol rok. N’en ni kug weliy e rrogon nike yog ngog.”

John 11:42

Gu manang ni gubin ngiyal’ ni ga ma rung’ag lungug, machane kugog e re bugithin ney ni bochan e pi girdi’ ney ni yad bay u roy, ni fan e nge mich u wun’rad ni gur e ka mol’oegeg ku gub.”

John 14:11

Ere nge mich u wun’med ni gu bay u fithik’ e en ni Chitamangiy ma en ni Chitamangiy e bay u fithik’ag. Ma fa’anra danga’, ma nge mich u wun’med ni bochan e pi ngongol ni gu be ngongliy.

John 5:30

“Dariy ban’en ni gu ra rin’ ni gag e leam rog; gu ma pufthinnag e girdi’ ni bod rogon nike yog Got ngog, ere tin ni gu ma turguy e bmat’aw, ya gathi tin ni gub adag e ir e gu be guy rogon ni nggu rin’, ya kemus ni tin ni ba’adag e en ni l’oegeg ku gub.

John 5:36

Machane bay ban’en ni be micheg murung’ageg ni ka ba ga’ ngarogon murung’ageg ni i micheg John ngak e girdi’, ni aram e pi ngongol ni gu be rin’ ni pi ngongol ni pi’ e Chitamag ngog ni nggu rin’, pin’ey e be michegeg ma be dag ni en ni Chitamangiy e ir e ke l’oegeg ku gub.

John 6:38

Ya ku gub u tharmiy nga but’ ni nggu rin’ e tin ni be finey e en nike l’oegeg ku gub, machane gathi nggu rin’ e tin ni gu be finey.

Deuteronomy 18:22

Ngiyal’ nra weliy ba profet ngomed bbugithin me yog ni SOMOL e yib rok ma de yib i m’ug nrogon nike weliy, ma aram e gathi SOMOL e yib rok. Ma re profet nem e i ir e thin rok e binem e thin, ma dab mu rusgad ngak.