Numbers 16:15 - Bible Ni Thothup

¹⁵ Mri damumuw Moses me ga’ar ngak SOMOL, “Dab kum fanay e pi maligach ni be pi’ e pi pumo’on ney ngom. Dawor gu bucheg ban’en rok bagyad; mus nga ta’ab dongki ma dawor gu fek rorad.”

Numbers 16:15 Iomraidhean Croise

2 Samuel 22:22

Kug fol ko motochiyel rok SOMOL; dawor gu togopluw ngak e Got rog.

Exodus 32:19

Ma fa’ani chugur Moses ko gin yibe par riy nrayag ni nge guy fare pifak e garbaw ni pumo’on, nge girdi’ ni be churu’, mri damumuw. Ma ku rom u enggin fare burey me yin’ fa gal yang i malang ni bay u pa’ nga but’ nge pil.

Proverbs 21:27

I SOMOL e ba fanenikay e ngiyal’ nma pi’ e pi’in kireb e maligach ngak, nri ngiyal’ yad ma pi’ nib kireb fan u wan’rad.

Numbers 12:3

Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Numbers 16:16

Me ga’ar Moses ngak Korah, “Gabul e dabisiy ni ngambad fa 250 i girdi’ ni gimed ngabang ko fare Tent u p’eowchen SOMOL; ma ku bay yib Aron ngaram.

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Mark 3:5

Me ere i changar Jesus u owcherad i yan nike puwan’, machane ku errogon ir nike kireban’ ngorad nga farad gelan’ nga fithik’ e balyang. Me ga’ar ngak facha’, “Mu k’iyag pa’am.” Me k’iyag pa’, ma aram me manigil pa’ nge sul ngarogon.

1 Korinth 9:15

Machane dawor gu maruwel nga reb e pin’en ni mat’wug ney, ara gu be yoloy e re bugithin ney e chiney ni fan e ngan pi’ ngog e pin’en ni mat’wug nem ni nge yib fan ngog. Ku gub adag ni gu ra yim’! Dariy be’ ni nge n’ag fan mat’wug ni bay nrayag ni gu weliy murung’ageg!

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

2 Korinth 7:2

Dab kum mitheged lanin’med romad. Ya dawor gu ngongliyed e kireb ngak be’, ma dawor gu kireb niged be’, fa reb e kug ban niged be’ kug feked ban’en rok.

Efesus 4:26

Fa’anra mu damumuwgad, ma dab mpaged e damumuw romed nge fekmed nga fithik’ e denen; ma dab mpired ni gimed ba damumuw nge polo’ reb e rran.

1 Thessalonika 2:10

Gimed e mich romad, ma ku errogon Got ko re bugithin ni ba’aray: ni pangimed ngomed e pi’in nib mich Got u wun’med e rib fel’, ma bmat’aw ma dariy thibngin.