Numbers 14:35 - Bible Ni Thothup

³⁵ Kug micheg ni bay gu rin’ e pin’ey ngomed e girdi’ ni kireb ni kam barba’gad kam togopluwgad ngog. Gimed gubin ni bay mm’ad u roy u daken e ted. I Gag SOMOL e kugog e pi thin ney.’”

Numbers 14:35 Iomraidhean Croise

Psalms 78:33

Aram me museg e rran rorad ni gowa bbuwchuth i nifeng ngarm’ad nib tomgin.

Exodus 23:21

Mmotoyilgad ngak mi gimed fol rok. Dab mu togopluwgad ngak, ya dabi kadan’ romed; ma be un ngomed ni aram gag.

Ezekiel 20:36

Ere chiney e bay ggechig nagmed ni bod rogon ni ggechignag e pi chitamangimed u lan e ted ni Sinai.” I SOMOL ni Th’abi Tolang e be non.

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Numbers 26:65

I yog SOMOL ni yad gubin ni yad ra yim’ u daken e ted, kemus ni Kaleb ni be’ nib pagel ni fak Jefunneh nge Joshua ni be’ nib pagel ni fak Nun e yow ra magey.

1 Korinth 10:11

Urngin e pin’ey ni yib ngorad ni fan e nge fil e tin kabay e girdi’ ban’en riy, ma kan yoloy nga babyor ni nge mang ba ning chiylen ngodad. Ya gadad be par u ba ngiyal’ nike chugur ni nge taw ko tungun.

1 Korinth 10:5

Machane yugu aram rogon ma oren i yad e dar fel’gad u wan’ Got, ma aram fan ni ur m’ad nge wear dowrad u daken e ted i yan.

Hebrews 3:19

Ere kad guyed nde yag ni ngranod ko fare nam ni ngar toffangad riy ni bochan e de michan’rad ngak.

Joshua 5:6

Ya girdi’ nu Israel e uranod u daken e gi ted nem ni aningeg i ragag e duw. Nap’an ni taw ko ngiyal’nem ma urngin e pumo’on nike taw nga yangarrad ni ngar uned ko mael nra chuwgad u Egypt e karm’ad ya dar folgad ko tin ni yog SOMOL. Ya yog ngorad ndabi pagrad ngar guyed fare nam ni bfel’ rogon ma ba yong’ol e but’ riy ni fa’ani micheg ngak pi chitamangirad nra pi’ ngorad.