Numbers 14:10 - Bible Ni Thothup

¹⁰ Ma be yan yu Israel ni ngar malang niged yow ngar m’ow, ma yigi gin e girdi’ ma ke m’ug ram’en SOMOL nib mluplup’ u daken fare Tent ni be dag ni bay u rom.

Numbers 14:10 Iomraidhean Croise

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Exodus 16:7

Kadbul e bay mu guyed ramaen e muluplup’ rok SOMOL. Ya ke rung’ag e thin ni gimed be yog nib togopluw ngak. Gamow mini’ ni ngam nonod nib togopluw ngomow?”

Exodus 17:4

Mri meybil Moses ngak SOMOL ni ga’ar, “Mang e nggu rin’ ngak e pi girdi’ ney? Ya ke chugur ni ngar malang nigedgag nggum’.”

Exodus 40:34

Ma aram me yib bang i manileng i upunguy fare Tent me suguy ram’en SOMOL nib maluplup’ fare Tent.

Levitikus 9:23

Me yan Moses nge Aron nga langgin fare Tent u p’eowchen SOMOL, ma nap’an nra sulow nga wean mar yibileyew fapi girdi’ ni nge fel’ wa’athrad, me m’ug e maluplup rok SOMOL ngak e girdi’ ni gubin.

Numbers 16:19

Ma aram me kunuy Korah gubin e girdi’ nu Israel nga ta’bang, ngar sak’iygad ni yad ba sap ngak Moses nge Aron ni yow bay u langan e mab ko fare Tent. Miyad gin ma ke mat muluplup’en SOMOL nga dakenrad ni yad gubin,

Numbers 16:42

Ma nap’an ni mu’ulung yu Israel ni ga’ngin ni ngar togopluwgad ngak Moses nge Aron, miyad cheal u but’ ngar sapgad ko fare Tent mar guyed fare gi manileng nike ing fare Tent ma be mat ram’en SOMOL riy ni be maluplup’.

Numbers 17:7

Me tay Moses fa yu ley i sog ni urngin ngalan fare Tent nga mit fare Kahol ko M’ag rok SOMOL.

Numbers 20:6

Me chuw Moses nge Aron u p’eowchen e girdi’ nga ranow ra sak’iygow nga langan e mab ko fare Tent u p’eowchen SOMOL. Mi yow paraw nga but’, me m’ug ngorow ram’en SOMOL ni be mluplup’.

Matthew 23:37

“Jerusalem, Jerusalem! Kam thang e pogofan rok e pi profet, ma kam malangnag e pi’in ni l’oegrad Got ngar feked e thin rok i yib ngom! Nge gaman e in yay ni kug guy rogon ni nggu kunuy urngin e girdi’ rom, ni bod ba alabal ni chugumiy pifak nga tan pon, machane da mpageg nggu rin’!

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Acts 7:59

Ma aram miyad par ngu’ur malang niged Stefen ko ngiyal’ ni ba’aram ni pining Stefen Somol ni ga’ar, “Somol Jesus, mu fekeg!”

1 Samuel 30:6

Kari magawon David e ngiyal’nem, ni bochan e gubin e pi salthaw rok ma kari buch laniyan’rad ngak pifakrad ni kanfek, ere kar weliyed ni ngar malang niged David; machane SOMOL ni Got rok e pi e athamgil nga laniyan’.