Numbers 13:22 - Bible Ni Thothup

²² Ranod nsom’on ngalan e yimuch ko fare nam marbad u rom nga Hebron, ko gin nma par fa yuke girdi’ ni Ahiman, nge Sheshai, nge Talmai riy, ni yad e pi’in owchen bmit i girdi’ nib n’un’uw ma ba tagiyet ni kanog e Anakim ngorad. (Hebron e sum ni unpar riy ni medlip e duw nga m’on mfin nnib ni par nge sum e binaw nu Zoan u Egypt.)

Numbers 13:22 Iomraidhean Croise

Genesis 13:18

Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.

Genesis 23:2

Me yim’ u Hebron u lan yu Kanaan, me kireban’ Abraham me mowawnag.

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

2 Samuel 2:11

me gagiyeg David u lan yu Hebron ngu daken yu Judah ni medlip nge baley e duw.

2 Samuel 21:16

Ma reb fapi girdi’ nib pag ga’ngin ni Ishbibenob fithingan, ni i fek ba sarey nib bronze ni gonap’an e medlip nge baley e pawn malngin, ma ke m’ag bangi saydon nib be’ech nga lukngun, e leamnag nrayag rok ni nge thang e fan rok David.

Psalms 78:12

I rin’ Got fapi maang’ang u p’eowchen e pi chitamangirad u lan e tafelfel’ u Zoan ko nam nu Egypt.

Psalms 78:43

me ngongliy bogi ban’en u fithik’ e sorok nge maang’ang u lan e tafelfel’ u Zoan u lan yu Egypt.

Isaiah 19:11

Pi tayugang’ ko binaw nu Zoan e yad bbalyang! Ma pi’in th’abi gonop u Egypt e ra pi’ed e fanow ni de fel’! Bu uw rogon ni yad ra yog ngak e an pilung ni bay tha’rad ko pi’in llowan’ nge pi pilung ni kakrom?

Isaiah 19:13

Pi tayugang’ nu Zoan ngu Memfis e yad bbalyang. Yad e susun e yad e ngar pow’iyed e nam, machane ka ra olobochiyed.

Isaiah 30:4

ni yug aram rogon ni pi’in owcharad nga reb e nam e ka ra tawgad nga Egypt ko binaw nu Zoan ngu Hanes,

Numbers 13:17

Nap’an ni l’ograd Moses ni nga ranod, me ga’ar ngorad, “Mmarod u roy u lan e lel’och ngalan e ley ni yimuch ko fare nam nu Kanaan ngemu’ mi gimed th’ab riy nga daken e ted ni go’ burey.

Numbers 13:28

Machane girdi’ riy e yad ba gel, ma pi binaw rorad e ri ba ga’ ma bfel’ rogon ni ka ni yororiy ni fan ko mael. Ma kug guyed e pi’in ni owchen fapi girdi’ ni gagang’ ma n’un’uw u rom.

Numbers 13:33

ma kug guyed fapi girdi’ ni n’un’uw u rom, ni yad fapi cha’ ni owchen Anak. Ma rogon ya’amad u cherrad e gowa yochi asmen’ing ni pa’chichig.”

Deuteronomy 9:2

Girdi’ ni bay riy e yad nun’uw ma yad ba gegel; yugub thil n’umngirad ngak e yug girdi’ ma kam rung’aged ni kanog ndariy be’ nrayag rok ni nge gel ngorad.

Joshua 10:36

Ma nga tomuren e ren’ey me yan Joshua nge salthaw rok u Eglon ngar farthoggad nga fithik’ e burey nga Hebron, ngar chamgad ngay

Joshua 21:13

Yungin nchagiy nga Hebron (Hebron e reb fapi binaw ntagil’ e ayuw) ngan pi’ ngak e pi’in owchen Aron ni prist e yu,

Judges 1:10

Ranod ko togopluw ngak piyu Kanaan ni yad be par u lan fare binaw nu Hebron, ni ku’un pining yu Kiriath Arba ngay. Mu rom e ra gelgad ngak fa yuke girdi’ rok Sheshai, Ahiman, nge Talmai.

1 Samuel 30:31

ngu Hebron. I pi’ e pin’ey nga urngin yang ni ur ranod e salthaw rok riy.