Numbers 13:20 - Bible Ni Thothup

²⁰ Mi gimed guy rogon ngam nanged ko ba yong’ol e but’ riy ma ba sug ko gek’iy fa danga’. Mi gimed athamgil ngam feked i yib ngaray boch e wom’ngin e gek’iy ko re nam nem.” (Ngiyal’ i n’em e ke el wom’ngin e grape.)

Numbers 13:20 Iomraidhean Croise

1 Kronicles 22:11

Miki ul ul David ngay ni ga’ar, “Fakag, ere chiney e mang e yigi i par SOMOL rom ni Got rom, ma mang e yigi tay nga tagil’ e re bugithin ney ni micheg ni nge tem nge yag rom ni mu toy ba tempel ni fan ngak.

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Nehemiah 9:35

Mu ayuweg e pi pilung rok e tirom e girdi’ e ngiyal’nem ngu’ur gagiyeggad nnap’an ni ur pired u lan fare nam ni ba ga’ ma ba yong’ol e but’ riy ni gur e mpi’ ngorad, machane dar pi’ed keru’rad ko denen ngar folgad rom.

Ezekiel 34:14

Bay gu gagiyeg nagrad ngu’ur ked e pan ko yungi n’en ni bay e pan riy u daken e pi burey ngu lan e pi loway ndabi buch ban’en rorad, ngu urngin yang ni bay e pan riy nib galunglung u lan e nam nu Israel.

Daniel 11:24

Bayi m’ag e mael nga bangi nug ni bfel’ rogon e girdi’ riy ma yad be par u fithik’ e gapas, ngi i rin’ bogi ban’en ntin ni kakrom e pi chitamngin ma de rin’ bagayad. Chugum nge binaw nike kol ko mael e bayi wereg u pa’ e girdi’ nib fol ngak. Ma bay i leamnag rogon ngi i m’ag e mael ko yungi n’en ni ka ni yororiy ni fan ko mael, machane ba ngoch nap’an.

Mikah 7:1

Kari math e liyab! Ya kug bod be’ nike yim’ ko bilig nder pir’eg wom’ngin e gek’iy ni yima kay nike magey u l’ugun e gek’iy, ma ku er i tay wom’ngin e grape ni dariy. Urngin e grape nge urngin wom’ngin e fig nib fel’ lamen e kan t’ar.

Numbers 13:19

Mu guyed rogon ngam nanged ko ba manigil e re binaw nem fa ba kireb, nge ma par e girdi’ riy u lan e binaw ndariy e yoror riy ara kan yororiy ni fan ko mael.

Deuteronomy 1:24

Mranod ngalan fare nam ni go’ burey mranod riy ko fare Loway ni Eshkol ngar lekeged.

Deuteronomy 1:25

Miyad fek i yib ngodad boch wom’ngin e woldug nra pir’eged u rom. Mar fulweged e thin ni re nam nem ni nge pi’ SOMOL ni Got rodad ngodad e rib yong’ol.

Deuteronomy 31:23

Ma aram me ga’ar SOMOL ngak Joshua nib mo’on ni fak Nun, “Mu par ni gab muduwgil ni dabi marwaer lanin’um. Bay mu gafaliy e girdi’ nu Israel ngalan fare nam ni ku gu micheg ngorad, ma bay gu un ngom.”

Hebrews 13:6

Ere dab kud tamdaggad ma nge lungudad, “I Somol e ir e be ayuwegneg, ere dab gu tamdag! Mang e rayag ni nge rin’ e girdi’ ngog?”

Joshua 1:6

Mu par ni gab gel ma dab mu rus, ya gur e bay mu pow’iy e pi girdi’ ney nge yag ngorad e re nam nem, ni ir e gog ngak pi chitamangirad ni bay gu pi’ ngorad.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Joshua 2:3

Me l’oeg fare pilung e thin nge yan ngak Rahab ni ga’ar, “Fa gal pumo’on ni yow bay u naun rom e karbow ni damit ni fan e nge tamilangan’row u daken e nam ni ga’ngin! Mfekrow i yib nga wean!”