Numbers 13:17 - Bible Ni Thothup

¹⁷ Nap’an ni l’ograd Moses ni nga ranod, me ga’ar ngorad, “Mmarod u roy u lan e lel’och ngalan e ley ni yimuch ko fare nam nu Kanaan ngemu’ mi gimed th’ab riy nga daken e ted ni go’ burey.

Numbers 13:17 Iomraidhean Croise

Genesis 12:9

Ma aram me yan u bang nga bang ni be sor i yan ko yimuch nu Kanaan.

Genesis 13:1

Me yan Abram nga wuru’ yu Egypt ni be sor i yan ko nug nu Negeb ni bay nga lel’och u Egypt, ni yow e bpin rok nge urngin ban’en ni bay rok, nge Lot.

Genesis 13:17

Ere mu fal’eg rogom ngam lekag daken e re nam ney, ya aram e nggu pi’ ngom ni ga’ngin.”

Genesis 13:3

Ma aram me chuw u rom u Negeb nge yan u bang nga bang, ni be sor i yan nga Bethel. I yan i taw ko fagi n’en u thilin yu Bethel ngu Ai ni aram e gin’en ni i par riy ni som’on

Genesis 14:10

Ma loway nu Siddim e ba sug ko low nike suguy e pich, ma pilung nu Sodom ngu Gomorrah e fa’anra guyew rogon ni ngar milgow ko mael, miyow mul ngalan e pi low nem. Ma dalip ni magey e pilung e ra milgad nga daken e pi burey.

Numbers 13:18

Mi gimed gay ngam nanged ko ba nam ni bu uw rogon, nge bu uw urngin e girdi’ nma par riy, nge bu uw ferad gel.

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”

Numbers 14:40

Me reb e rran riy nri kakadbul miyad yan ni ngranod ko gin nib mak’ burey, ni be lungrad, “Chiney e ngdarod ko fare nam nike weliy SOMOL murung’agen ngodad. Ya riyul’ ni kad denengad.”

Deuteronomy 1:44

Ma piyu Amor ni yad ma par u daken e fapi burey e rabad ngomed ni bod ba ran’ i ngul. Mar tulufed gimed ngam mada’gad nga Hormah mar gelgad ngomed u rom ko fare nam nu Edom.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 15:3

me sor ko yimuch u Akrabbim Pass nge yan i mada’ nga Zin. Me yan ko yimuch u Kadesh Barnea, nge pag yu Hezron me yan nga Addar, me chiygog nge sor nga Karka,

Joshua 2:1

Me l’oeg Joshua l’agruw i damit ko gin be par piyu Israel riy u Shittim ngranow nde nangrow be’, ma ke welthin ngorow nike ga’ar, “Marow ngam changargow u daken e nam, ngu lan e binaw nu Jeriko.” Miyow yan mranow nga ba naun ni tafen Rahab ni be’ ni bpin nma chuway’ ngak, miyow par u rom.

Judges 1:15

Me fulweg ni ga’ar, “Gu ba’adag ni nge yag boch e alublub ngog. Fa gi binaw ni kam pi’ ngog e bay u bangi ban’en nib fengfen.” Ma aram me pi’ Kaleb ngak e pi alublub ni bay nga talang nge nga pe’ning.

Judges 1:9

Tomuren e ren’ey mranod ni ngar maelgad ngak e girdi’ nu Kanaan ni yad ma par u ted ni go’ burey, ngu enggin e burey, nge fare binaw nib fengfeng ko yimuch.