Numbers 11:31 - Bible Ni Thothup

³¹ Me pi’ SOMOL bangi nifeng nge fek e arche’ ni quail u maday i yib, ni be changeg ni dalip e fit tolngin u daken e but’ ngalang. Ma ra bad ra pired ko gin nike n’uf yu Israel e pi Tent rorad riy ni kar suggad u rom i yan nga orel nib yo’or e mayel.

Numbers 11:31 Iomraidhean Croise

Psalms 105:40

Ra weniggad ngak, me pi’ e arche’ ni quail nge yib ngorad, me pi’ e ggan ngorad u tharmiy ngar gaman gad riy.

Psalms 106:15

ma aram me pi’ ngorad e tin yad be ning, machane miki pag ba m’ar nib gel nge yib nga fithikrad.

Psalms 135:7

Ir e ma fek yungi manileng ko yoko’ u tungun e fayleng i yib; mma mateg e uluch u fithik’ e yoko’, ma ir e ma l’oeg e nifeng u lan e chibgil rok nge yib.

Exodus 10:13

Ma aram me pug Moses e sog rok ngalang, me pug SOMOL nifngin e ngek nge yib nga daken fare nam ni polo’ e rran nge nep’. Ma fa’ani kadbul ma ke fek fare nifeng e asmen’ing i yib.

Exodus 10:19

Me thilyeg SOMOL gil’ e nifeng nge thow u lan e ngal nike gel, me kunuy e re nifeng nem fapi asmen’ing nge therebegrad ngalan fa gi day ni Red Sea fithingan. Dariy ta’reb e asmen’ing ni magey u lan yu Egypt.

Exodus 15:10

SOMOL, ri ta’abyay ni mu pag athon l’ugunam me thareyrad e day; miyad ligil nga’ar ni bod e plomow.

Exodus 16:13

Me blayal’ me yib e arche’ ni quail ngar sug niged e gin ke par piyu Israel riy, me kadbul ma bay ba thal i wa’angachal nib cholngobiy e gin be par piyu Israel riy.

Numbers 11:30

Me sul Moses nge fa medlip i ragag i girdi’ nma yog e thin rok yu Israel ko fa gin yad be par riy e ngiyal’nem.