Numbers 10:33 - Bible Ni Thothup

³³ Fa’ani chuw piyu Israel u Sinai, ni fare burey nib thothup, miyad milekag ni dalip e rran, min m’oneg rorad fare Kahol ko M’ag rok SOMOL ni nge turguy e gin ni ngar n’ufed e Tent rorad riy.

Numbers 10:33 Iomraidhean Croise

Psalms 95:11

Gu damumuw ngar gu micheg ngorad ni lungug, “Ri dab mmarod ngalan fare nam ni ir e gu ra pi’ e toffan ngomed riy.”

Exodus 19:3

Me yan Moses nga daken e burey ni ngar mada’gow Got. Me non SOMOL u daken e burey nga but’ ngak Moses ni ga’ar, “Mog ngak piyu Israel, ni aram e pi’in owchen Jakob:

Exodus 3:1

Me reb e rran ni be chothowliy Moses e saf nge kaming ni fak Jethro ni chitamngin le’engin, me ir e prist nu Midian. Me gafaliy fa yu ran’ i gamanman ngar th’abed e ted ni desert ngarbad nga Sinai, ni fare burey rok Got nib thothup.

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 28:12

Ba’adag ni nge pi’ e toffan ngomed me fal’eg lanin’med ni gimed gubin, machane dabumed ni ngam telmed ngak.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

Jeremiah 3:16

Ma nap’an ni gimed ra yo’or u daken e binaw, ma girdi’ e bay dab kur weliyed murung’agen fare Kahol Ko M’ag rog. Bay dab ku ra leam niged fa yib wuran ngan’rad; ku dabki t’uf rorad, ma dab ku ra ngongliyed reb.

Jeremiah 31:2

Pi’in rmageygad ndar m’ad u daken e ted e gu runguyrad. Nap’an e finey yu Israel ni gomang e ra toffangad,

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Numbers 10:12

me tabab piyu Israel ko milekag ni ngar chuwgad u lan fare gi ted u Sinai. Me yan fare gi manileng i gif nga daken e ted nu Paran.

Deuteronomy 1:33

ni aram rogon ni gubin ngiyal’ nma m’on romed ni be gay bang ni ngam n’ufed e pi tent romed riy. I m’on romed nib nifiy nib k’iy ngalang ni nep’ ma bang i manileng nib k’iy ngalang ni rran ni bochan e ngi i dag e kanawo’ ngomed.

Deuteronomy 31:26

“Mu feked e re ke babyor ko motochiyel ney rok Got ngam ted nga to’oben fare Kahol ko M’ag rok SOMOL ni Got romed, ya ngi i par u rom ni ir e ke mang mich nib togopluw ngomed.

Deuteronomy 9:9

Gu wan nga daken e re burey nem ni nge pi’ SOMOL ngog fa gal yang i malang ni ka ni yoloy ngay fare m’ag nike ngongliy SOMOL u thilmed. Gu par u rom ni aningeg i ragag e rran nge nep’ ni da gu way ban’en ara gu garbod.

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

Judges 20:27

Fare Kahol ko M’ag rok Got e immoy u rom u Bethel ko yu rran nem, me Finehas nib mo’on ni Eleazar e chitamngin ma Aron e tutuw rok, e ir e bmilfan fare Kehol ko M’ag ngak. Me fith fapi girdi’ SOMOL ni lungurad, “Nggu warod nggu chamgad ngak e pi walagmad ni yu Benjamin, fa nggu paged?” Me fulweg SOMOL ni ga’ar, “Mu chamgad. Gabul e gu ra pi’rad nga pa’med.”

1 Samuel 4:3

Ma fa’ani sul e tin ni magey e salthaw ko gin yad be par riy, me ga’ar e pi’in pi’lal nu Israel, “Gur mangfan nike pag SOMOL e pi Filistine kar gelgad ngodad e daba’? Ngdarod nga Shiloh ngad feked fare Kahol ko M’ag rok SOMOL nge un ngodad nge ayuwegdad u pa’ e pi to’ogor rodad.”