Nahum 3:10 - Bible Ni Thothup

¹⁰ Girdi’ nu Thebes e kan fekrad ni kalbus nga wuru’ e nam. Gubin e m’ing ko kanawo’ ma go’ bay pifakrad riy ni kan li’rad karm’ad. Pi pumo’on ni tayugang’ rorad e kan chen nagrad kan fekrad kan graregrad u pa’ e pi to’ogor rorad.

Nahum 3:10 Iomraidhean Croise

2 Kings 8:12

Me fith Hazael ni ga’ar, “Siro’, mangfan ni ga be yor?” Me fulweg Elisa ni ga’ar, “Ya kugnang e pin’en nib gel e kireb riy ni bay mu rin’ nib togopluw ngak e girdi’ nu Israel. Bay mu tay e nifiy ko pi yoror rorad, ma ga thang e fan rok e pi pagel rorad ni th’abi gel, ma ga pirdi’iy pifakrad ngarm’ad, ma ga sey e yal rok e ppin rorad nib diyen.”

BABYOR NI JOB 6:27

Mus ko pi’in pifak e pi tapigpig ni kanim’ rorad ma gimed be giringiy e pow ni nge duwgiliy ko mini’ romed e nge mil suworad ngak, ma kigmed be libeg ni ngam fla’abgad u puluwon e pi tafager nth’abi chugur ngomed!

Psalms 137:8

Babylon, bay ni kireb nigem! Ra felfelan’ e en ni ir e bayi fulweg labgen ngom ni bochan e tin kam rin’ ngomad,

Psalms 137:9

ni bayi fek pifakam ni kab ran ngi i morothiyrad nga daken ba war!

Psalms 149:8

miyad michigiy e pi pilung rorad ko chen, nge pi’in yad ma yog e thin rorad ko chen ni wasey;

Isaiah 13:16

Ngiyal’ ni yad be changar ni dariy ban’en nrayag ni ngar rin’ed, mi ni pirdi’iy pi bitir rorad ngarm’ad, mi ni gochowriy gathon e naun rorad u yargal, mi ni kol pi le’engirad u gelngiy.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Isaiah 19:4

Bay gu pag yu Egypt nga pa’ reb e pilung nib kireb ngi i gagiyeg nagrad. I Gag fare SOMOL ni Gubin ma Rayag Rok e gu be non.”

Isaiah 20:4

Emperor nu Assyria e bayi gafaliy fapi kalbus i yan ni dariy e mad u dakenrad, ni kolrad ko fa gal binaw. Fel’ yangren nge pi’lal e bay u ranod ni dariy e sus rorad nge mad, ni be m’ug chuguyenrad, nra kar tamra’ ngak yu Egypt.

Lamentations 2:19

Numngin e nep’ ni ngu’um od bayay nge bayay ngu’um yor ngalang ngak Somol; Ni ga be pu’og lanin’um nga but’ ma ga be wenig ngak ni nge wurngan’ nga daken pifakam — Pi bitir ni be li’ e mak’iy u gubin e pi tam’ing ko kanawo’!

Lamentations 4:1

Gol rodad ni immoy nib galgael e ke yim’ ram’en; fapi malang ko fare Tempel e ke wagagey u lan e yupa’ i kanawo’.

Ezekiel 29:7

Nap’an ni yad ra genam ngom ni ngam aywegrad, mag m’ing u lukngum ngam rog nga yinupenrad mag dol’ nagrad.

Hosea 13:16

Samaria e thingar ni gechignag ni be togopluw ngog. Girdi’ rok e bay yim’ u fithik’ e mael; pi bitir ni kab ran e bay ni garpay nga but’, ma ppin nib diyen e bay ni guchthuy yinrad.”

Joel 3:3

Ra girengiyed e pow riy ni ir e nge duwgiliy ko mini’ rorad e nge fek e pi’in kan kolrad. Kar pi’ed nchuway’ e pagel nge rugod ni ngar manged sib ni fan e ngar chuw’iyed e wayin nge ppin ni yad ma falchuway’ ngorad.

Amos 1:13

Be ga’ar SOMOL, “Girdi’ nu Ammon e kar denen gad bayay nge bayay, erfan nri bay gu gechig nagrad. Ur cham gad ni nge yo’or e binaw rorad ma mus ko pi’in i bpin ni yad ba diyen u Gilead ma ur gochthiyed e yal rorad.

Obadiah 1:11

Mu gilaf ngam telem u orel u nap’an ni t’ar e pi to’ogor e garog rorad nga but’, ta’reb fanam kireb ngak e pi girdi’ nu bang nem ni kar feked e fla’ab u pa’ yu Jerusalem kar f’othed u dakenrad.