Nahum 2:5 - Bible Ni Thothup

⁵ Ke yan e pong ko tayugang’ ko salthaw, yad be athamgiliy i dol’dol’nag e yan nga m’on. Pi’in karbad nni cham e ra gur niged yad ko fare yoror ngarbad ra suweged e shield ngalang ni nge yororiyrad ko buthyoror.

Nahum 2:5 Iomraidhean Croise

Isaiah 21:5

Ku gguy ba mur ni kan fal’eg rogon; ka ni flath e mad ni nge par e girdi’ ni ka ni piningrad nga daken. Yad be abich ma yad be garbod. Miygi non be’ ni ga’ar, “Gimed e tolang ko salthaw mu fal’eged rogon e shield romed!”

Isaiah 5:27

Ndariy bagyad nra aw parwon; ma dariy bagyad nra dol’. Dariy e ngiyal’ ni yad ra glaching ara rmolod. Dariy bang e le’ed rorad nib worwar ma dariy reb e togfan e sus rorad nike math’.

Jeremiah 46:12

Ke rung’ag e pi nam e tamra’ ni kam ted; ke rung’ag gubin e girdi’ e meyor romed. Be paraw reb e salthaw rom nga daken reb, kar aw gow nga but’ ni yow l’agruw.

Jeremiah 50:29

“Mogned ngak e pi’in yad ma mun gat’ing ngar chamgad nga Babylon. Mu l’oeged gubin e pi’in manang rogon e mun gat’ing. Mu thabey niged fare binaw ni dab mu paged be’ nge mil. Mu fulweged taban urngin e tin i rin’, mi gimed rin’ ngak e tin ki i rin ngak boch e girdi’, ni bochan e i ngongol u fithik’ e ufanthin nib togopluw ngog, I Gag fare Thothup nu Israel.

Nahum 2:6

Pi garog u charen e lul’ e go’ pil nge mab; me sug e marus u lan tafen e pilung.

Nahum 3:18

Pilung nu Assyria, pi governor rom e karm’ad, ma pi pilung e kar moled ni dariy n’umngin nap’an! Girdi’ rom e kar wearweargad u daken e pi burey, ma dariy be’ ni ku ra fulwegrad bayay nga tabnaw.

Nahum 3:3

Girdi’en e yan u os e kar thay gad nga m’on ni cham, ma be mat ra’en e saydon nge sarey! Pi Idow e ke burey u but, ni bogi yam’ ni dabkiyag i the’eg urngin — be tun ay e girdi’ ngorad!

Habakkuk 1:8

“Pi os rorad e bmachreg ko gamanman ni leopard, ma kabgel e damumuw rorad ko gamanman ni wolf nike yib e bilig ngorad. Pi girdi’en e yan u os rorad e rabad u bang nib orel; tungun ay e pi os rorad e be ker e but’. Yad be ngolol nga but’ ni bod e arche’ ni eagle ni nge og ko n’en ni nge longuy.