Nahum 2:10 - Bible Ni Thothup

¹⁰ Nineveh e ke mogothgoth, dakuriy be’ riy, kann’ag! Ke ranran e pi gum’ircha’ ni marus; ke dada’ e bug u ey, dakriy gelingiy; ke ol owchey.

Nahum 2:10 Iomraidhean Croise

Genesis 1:2

ma fayleng e dawori sum ma dariy ya’an. Ma day ni bay u gubin yang e ba upong ko rumug, ma Kan Nthothup rok Got e ke gapopow nga daken e day.

Psalms 22:14

Ma kem’ay gelngig, ni bod e ran ni map’ nga daken e but’. Urngin e yil ko ul ul u dowag nike thil; ma gumircha’eg e bod ba kendel nike ranran.

Isaiah 14:23

Bay gu pilyeg yu Babylon nge bod lan ba mu’ut ni go’ ran, arche’ ni owl e bayi par u rom. Bay gu wolguy yu Babylon ko wolguw nge chuw gubin ban’en riy. I Gag, fare SOMOL ni Gubin ma Rayag Rok e gu be non.”

Isaiah 21:3

N’en ni ku gguy mu gu rung’ag u lan e changar rog ni piliyeg e ke sug nigeg ko dugow nge amith, ni bod e amith rok be’ ni bpin ni nge gargel.

Isaiah 24:1

I SOMOL e bayi kirebnag e fayleng nge par ni dakriy ban’en riy. Bayi lolopoy daken e fayleng me wagaynag e girdi’ riy.

Jeremiah 30:6

Ere mu tal e chiney ngam leam! Rayag ni gargeleg be’ nib mo’on bbitir? Ere ke di’in ni gu be guy ni gubin e pumo’on ni kar koled e yal rorad ni bod e ppin ni nge gargel? Ke di’in nike m’ay racha’en owchen gubin e girdi?

Jeremiah 49:23

Irera’ e n’en ni yog SOMOL u murung’agen yu Damascus: “Girdi’ u lan e pi binaw nu Hamath ngu Arpad e kar rus gad ma ke wagagay lanin’rad ko tin kar rung’aged. Gafgowan’ e be lobeb u dakanrad ni bod e n’ew, ni dakir paslag lanin’rad.

Jeremiah 51:62

Ma aram ma ga meybil ni nge lungum, ‘SOMOL, kamog ni ga ra kirebnag e re gin’ey, nge par ni dakriy e yafos riy, ni girdi’ nge gamanman, me bod bang i daken e ted ni desert ni dariy n’umngin nap’an.’

Jeremiah 8:21

Ke maad’ad lanin’ug ni bochan e girdi’ rog ni ka ra gafgow gad; gu be yor; kari gafgow an’ug.

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Ezekiel 31:15

Irera’ e n’en ni be yog SOMOL ni Th’abi Tolang ni be ga’ar: “Rofen nem nap’an nra yan fare ke gek’iy ko fayleng ko yam’, e bay gu gagiyegnag e ran u tan e but’ nge tharay ni pow ko meyor ni m’ingan’. Bay gu taleg e lul’ ni dab kug pag e ran ko yoch pa’ i lul’ nge yan. Ni bochan e fare ke gek’iy e ke yim’, ma bay gu lumornag daken e burey nu Lebanon mug gagiyegnag gubin kaen e gek’iy u loway nge mororay.

Daniel 5:6

Me pig owchen ngabang nike yib e marus ngak nib gel ngi i chachafin bugun.

Joel 2:6

Nap’an ni yad ra chugur i yib, ma urngin e girdi’ ni be yim’ ni marus, ma urngin e owchef ni bayi pig nge m’ay racha’en.

Nahum 2:2

I SOMOL e nge fulweg e fla’ab rok yu Israel nga rogon, ni immoy u m’on ndawor i giliw nagrad e pi to’ogor rorad.)

Nahum 3:7

Gubin e pi’in yad ra guyem ma yad ra sul riy nga tomur. Bay ra ga’ar gad, ‘Nineveh e dakriy waton u but’! Gur mini’ e ramoy bochu’uw i runguy rok ngak?’ Gur, mini’ e ba’adag ni nge fal’eg lanyan’?’”

Zefaniah 3:6

Be ga’ar SOMOL, “Kug thirif e pi nam ni polo’ u but’; ma kug gathay e pi binaw rorad ke par e pi yoror nge pi tafen e damit riy ni dakriy woton u but’. Fapi binaw e dakriy be’ riy; ma yupa’ i kanawo’ e dakriy be’ ni be yan riy, ya dariy be’ ni magach.

Joshua 2:11

Nap’an ni gu rung’aged magmad rus; ra be’ ma ke mulan’ ni bochmed. I SOMOL ni Got romed e ir e Got nu tharmiy ngu roy u but’.

Joshua 7:5

Pumo’on nu Ai era tulfedrad u langan e garog ko fare binaw ngar mada’gad nga bangi ban’en ni kanog yu Shebarim ngay miyad li’ nge yim’ gonap’an e guyey nge nel’ i yad nnap’an e yad be log i yan nga but’ u daken e ted. Ma aram me mulan’ piyu Israel ma kar rusgad.