Nahum 1:7 - Bible Ni Thothup

⁷ I SOMOL e rib manigil; ma yoror ko girdi’ rok u ngal’an e gafgow; ma ayweg e pi’in nra pigichelgad ngar sapgad ngak.

Nahum 1:7 Iomraidhean Croise

1 Kronicles 16:34

Ngu’un pining e magaer ngak SOMOL, ni bochan e ir e bmanigil; ya t’ufeg rok e dabimus bi’id.

1 Kronicles 5:20

Miyad tay e pagan’ rorad nga daken Got ngar meybilgad ngak ni nge ayuwegrad, me fulweg Got taban e pi meybil rorad nge gagiyeg nagrad ngar gelgad ngak e pi Hagrite nge pi’in yad ngabang.

2 Kronicles 13:18

Ma aram e girdi’ nu Judah e ka ra gelgad ngak piyu Israel, ni bochan e ra gifgad ngak SOMOL ni Got rok e pi chitamngirad.

2 Kronicles 32:11

Be yog Hezekiah ngomed ni bayi ayuwegmed SOMOL ni Got romed u pa’mad, machane be ban nagmed i Hezekiah ma bayi pagmed ngamm’ad ko bilig nge balel.

2 Kronicles 32:21

Me l’oeg SOMOL ba engel nge thang e fan rok e salthaw nge tolang ko fa raba’ i salthaw nu Assyria. Ma aram me sul fare pilung nga Assyria nike tamra’. Me yan i reb e rran ni bay u lan e tempel ko got rok, me yib boch i pifak ni pumo’on ni bay e saydon rorad ngar li’ed nge yim’.

2 Kronicles 32:8

Ir e gelngin e girdi’ gelngin, machane gadad e bay SOMOL ni Got rodad nra aywegdad nge cham ni pa’dad ko mehl.” Pi thin ney ni yog e pilung rorad e pi’ gelngin lanyan’ fapi girdi’.

Ezra 3:11

Miyad tang ni yad be pining e sorok ngak SOMOL ma yad be sul u daken e pi thin ni ba’aray: “I SOMOL e rib manigil, ma rogon nib t’uf piyu Israel rok e bay i par ndariy n’umngin nap’an.” Urngin e girdi’ nra be’ me non ni kemus ga’ngin laman ni be pining e sorok nge magaer ngak SOMOL, ni bochan e kan tabab i muruwliy fare def ko Tempel.

Psalms 1:6

I SOMOL e ra pow’iy me yororiy e pi’in yad ba mat’aw, machane en nib kireb e be yan u ba kanawo’ ni sor ngabang nib gel e gafgow riy.

Psalms 100:5

I SOMOL e bfel’; t’ufeg rok e dariy n’umngin nap’an, ma feni yul’yul’ e bayi par ni kargon ni manemus.

Psalms 20:1

Mang e yigi fulweg SOMOL lungum ko ngiyal’ nike yib e oloboch ngom! Mang e yigi yororiyem e Got rok Jakob!

Psalms 25:8

SOMOL e mmat’aw ma bfel’; mma fil ngak e pi tadenen e kanawo’ ni ngar leked.

Psalms 27:5

Ra taw e oloboch ngog ma ir e manaf rog; me teg u lan e Tempel rok ni dabi buch ban’en rog, me teg nga daken ba war nib tolang ko gin ndariy ban’en nra buch rog riy.

Psalms 37:39

I SOMOL e ra thapeg e pi’in yad mmat’aw, me yororiyrad ko ngiyal’ nike yib e oloboch ngorad.

Psalms 37:40

I SOMOL e ma ayuwegrad nge lufrad u pa’ e pi’in kireb, ni bochan e ranod ngak ni nge mang manaf rorad.

Psalms 46:2

Fa’anra rur e fayleng me muchubu’ e pi burey nga t’ay e rigur, ma dab da tamdaggad;

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 59:16

Machane, bay gu tangnag murung’agen gelngim; gubin e kadbul ma bay gu tangnag ngalang fare t’ufeg rom ni dabimus. Ya gur e kam par ni rungrung rog, ma manaf rog ko ngiyal’ nike yib e gafgow ngog.

Psalms 71:3

Gur e ngam mang manaf rog nib gel nge ba yoror nib gel nma yororiyeg; gur e war rog ma gur e ga ma n’ufegeg.

Psalms 86:7

Gu be piningem ko yu ngiyal’ ni ku gu aw nga fithik’ e oloboch, ni bochan e ga ma fulweg taban e meybil rog.

Psalms 9:10

SOMOL, pi’in yad manangem e ra pagan’rad ngom; cha’ nra yib ngom e ri dab mu n’ag.

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Proverbs 18:10

I SOMOL e bod ba wulyang ni tafen e damit nib gel; ni gin rayag ni nge yan e pi’in nib mat’aw ngay ma dabi buch ban’en rorad.

Isaiah 25:4

Pi’in gafgow nge pi’in dariy ban’en nrayag rorad e ra milgad ngom made buch ban’en rorad ko ngiyal’ e gafgow. Gur e ga ma pi’ e gin ngar gifgad ngay ko yoko’ nge taglul’ ni nge aywegrad u nifiyen e gowal. Pi to’ogor nib kireb e yad ma cham ni bod e yoko’ u nap’an e ayis.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Jeremiah 16:19

SOMOL gur e cha’ ni gama yoror rog ma gama pi’ gelngig; gama aywegneg u fithik’ e gafgow. Pi nam e bay rabad ngom u gubin yang u fayleng ngar ga’ar gad, “Pi chitamangimad e dariy ban’en rorad machane got ni go’ bogi ban’en e bay, ni bogi liyos nib m’ay fan.

Jeremiah 17:17

Dab mmang marus ngog; I gur e gil’ e pagan’ rog ko ngiyal’ nike yib e oloboch.

Jeremiah 24:5

“I Gag SOMOL, ni Got rok yu Israel, girdi’ nu Judah ni ka ni fekrad nga Babylon e yad bod fa tinef e fig ni bfel’, ma bay gu aywegrad ni bfel’ rogon.

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Lamentations 3:25

I SOMOL e ba gol ko pi’in ni karted e pagan’ rorad nga daken,

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Daniel 6:23

Mri felfelan’ fare pilung me yog ni nga ni girengiy Daniel u lan fare low ngalang. Ma aram miyad girengiy ngalang miyad guy ni dariy bochiyang nike maad’ad u downgin, ni bochan e pagan’ rok ngak Got.

Joel 3:16

SOMOL e bayi tolul u daken e Burey ni Zion; bay yan lungun u Jerusalem ni bod lingan e dirra’; me rur e but’ nge lanelang. Machane bayi n’uf SOMOL e girdi’ rok.

Zefaniah 3:12

Bay gu tay e pi’in nib sobut’an nge pi’in gafgow u rom, ni bay urbad ngog ni nggu aywegrad.

Matthew 27:43

Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”

Matthew 7:23

Ma aram e bayi lungug ngorad, ‘Ri da gu nangmed. Mu chuwgad rog, gimed e pi’in gimed ba kireb!’

John 10:14

I gag fa’anem ni bfel’ rogon ni gu ma gafaliy e saf. Rogon ni manangeg e en ni Chitamangiy ma gu manang e en ni Chitamangiy e ku aram rogon ni gu manang e saf rog ma yad manangeg. Ma dab gu siyeg ni nggum’ ni fan ngorad.

John 10:27

Saf rog e yad ma rung’ag lungug, ma gum nangrad, ma yad ma lekeg.

Roma 11:22

Ren’ey e be dag ngodad feni gol Got nge feni gel e thin rok. Ba gel e thin rok ngak e pi’in kar mulgad, machane ba gol ngom — ni fa’anra um par u fithik’ e gol rok; ma fa’anra dab mu par, ma ku errogon gur ni bayi t’arem nge n’igem.

Galatia 4:9

Machane chiney e kam nanged Got — fa reb e nggog nike nangmed Got e chiney — ere uw rogon ma kam adaged ni ngam sulod ngak fapi kan ni yad be gagiyeg ni yad mme’waer ma dariy farad? Mangfan ni gimed ba’adag ni ngkum sulod ngam manged sib rorad bayay?

2 Timothy 2:19

Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”