Nahum 1:4 - Bible Ni Thothup

⁴ I yog e n’en ni nge rin’ e day me mlik’ langgin! Me mlik’nag yu pa’ i lul. Yung i flang nu Bashan e go’ fengfeng daken, me mroray daken e Burey ni Karmel, me m’ay ra’en e floras nu Lebanon.

Nahum 1:4 Iomraidhean Croise

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

2 Samuel 22:16

Me m’ug t’ay e regur, me chuw e upong u daken e pi def ko fayleng nap’an nra puwan’ SOMOL ngak e pi to’ogor rok me non ngorad ni ba ga’ laman u fithik’ e damumuw.

BABYOR NI JOB 38:11

Me lungug ngak, “Ngam mus u wur! N’ew rom nib gel e nge mus u roy.”

Psalms 104:7

Nap’an ni mu puwan’ ngak me mil; nap’an nrung’aged ni ka mu tolulnag e tin ngan rin’, me chuw nge yan nib machreg.

Psalms 106:9

I non ko day ni Red Sea, me mlik’; me pow’iy e girdi’ rok ngar th’abed nga barba’ u daken e but’ nib mlik’.

Psalms 114:3

I changar fare day ni Red Sea me mil; me sul fare Lul’ nu Jordan nga tomur.

Psalms 114:5

Day, mang e buch mag mil? Me gur Lul’ ni Jordan, mang ni mu sul nga tomur?

Psalms 18:16

Me lumel SOMOL u lang nga but’ nge koleg; nge girngiyeg ngalang u fithik’ e ran nib to’ar.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Isaiah 33:9

But’ ko re nam ney e dakunir muruwliy ma kann’ag. Geargear nu Lebanon e ke mororoy, fare loway nu Sharon nib yong’ol e but’ riy e ke bod bangi ted ni desert, mu lan yu Bashan ngu daken e Burey ni Karmel e be mulmul yuwan e gek’iy riy nga but’.

Isaiah 42:15

Bay gu kirebnag e yochi burey nge pi burey, mu gu mororoynag e pan nge gek’iy riy. Bay gu gagiyegnag e pi loway ni bay e lul’ riy nge ngal’ ni yungi ted ni desert, mu gu gagiyegnag e pi lipath nge par nike mlik’.

Isaiah 44:27

Bbugithin e gog me mlik’ e rigur.

Isaiah 51:10

Ku gur e mu mliknag e regur ma ga ngongliy e kanawo’ nge th’ab e day nga barba’, pi’in mu aywegrad e yag nra thapgad nga barba’.

Ezekiel 30:12

Bay gu mlik’nag e lul’ ni Nile mug tay yu Egypt nga tan pa’ e girdi’ nib kireb e leam rorad. Pi melekag e bay ra wodmanggad u ga’ngin yang fare nam. I Gag SOMOL e gu be non.”

Ezekiel 38:20

Urngin e nig nge arche’, nge urngin e gamanman ni tin nib ga’ nge tin nib achig, nge urngin e girdi’ u daken e fayleng ni bayi t’on ko marus ngog. Pi burey e bayi puth nga but’, bayi muchbu’ e yung i pe’rech, ma gubin e yung i rungrung ni bayi m’ing nga but’.

Amos 1:2

Me ga’ar Amos, “I SOMOL e tolul u Burey ni Zion; be yib laman u Jerusalem ni bod lingan e dirra’. Nap’an ni yodorom me yim’ e pan nma kay e gamanman, ma pan nib galunglung ni bay u daken e Burey ni Karmel e pig nge mororoy.”

Amos 5:8

I SOMOL e ngongliy e pi t’uf, ni fa gal ulung i t’uf ni Pleiades nge Orion fithingan. Ir e be pingeg e nep’ nge rran me pingeg e rran nge nep’. Ma pining e day u maday nge pu’og nga daken e fayleng. I SOMOL fithingan.

Matthew 8:26

Me fulweg Jesus ni ga’ar, “Mang ni kari mu rusgad? Rib achig e michan’ romed ngak Got!” Me sak’iy ngalang nge non ko nifeng nge n’ew, me ri mocha’.

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.