Nahum 1:11 - Bible Ni Thothup

¹¹ Nineveh, uwur e yib be’ riy nib sug ko sasalap, ni i makath nib togopluw ngak SOMOL.

Nahum 1:11 Iomraidhean Croise

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

2 Kings 18:30

Ma dab mpaged nge tay ir ngomed ni ngam toergad ngak SOMOL. Dab mu leam niged nra ayuwegmed SOMOL nge dabi pag e salthaw nu Assyria ngar feked e binaw romed.

2 Kronicles 13:7

Me tomur riy me kunuy ba ulung i girdi’ ni kireb ndariy rogorad ngabang, miyad suruy Rehoboam nib mo’on ni fak Solomon nge fol u laniyan’rad, ya be’ ni kab pagel ma denang rogon ni nge siyegrad.

Ezekiel 11:2

Me ga’ar Got ngog, “Fak e girdi’, pi pumo’on ney e yad ma makath nag e kireb ma yad ma pi’ e fanow nib kireb u lan e re binaw ney.

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Nahum 1:9

Mang e ga be makathnag nib togopluw ngak SOMOL? Bayi thangem. Dariy be’ nra togopluw ngak nib yo’or ko ta’ab yay.

1 Samuel 2:12

Fa gal pumo’on ni fak Eli e ri yow ba kireb; ya dariy fan SOMOL u wun’row