Mikah 4:4 - Bible Ni Thothup

⁴ Gubin e girdi’ ni bay ra pired u fithik’ e gapas u fithik’ fi’irad grape nge yu ke gek’iy rorad ni fig, ma dakuriy be’ nra k’aring e marus ngorad. I SOMOL ni Gubin ma Rayag Rok e ke micheg e pin’ey.

Mikah 4:4 Iomraidhean Croise

1 Kings 4:25

Ma n’umngin nap’an ni i par nib fos, ma girdi’ u ga’ngin yang u lan yu Judah ngu Israel e ra pired nde buch ban’en rorad, ra reb e tabnaw ma bay e grape nge gek’iy ni fig ni fi’in.

1 Kings 5:5

SOMOL e micheg ngak e chitamag i David ni ga’ar, ‘Fakam e ir e bay gu turguy nge mang pilung nga tomrem, ma ir e bayi toy ba tempel ni fan ngog.’ Ere ku gu turguy ni nggu toy e re tempel nem ni ngu’un liyor ngak SOMOL ni Got rog riy.

BABYOR NI JOB 11:19

Ma dab kumrus ngak e pi to’ogor rom; ma bo’or e girdi’ ni bay ur ninged e ayuw ngom.

Psalms 72:3

Mang e yigi felan’ me man’og e nam; mang e yigi e nang e nam e tin ni bmat’aw.

Proverbs 3:25

Ma dabi magfan’um ko riya’ nra yib nib tomgin, ni bod e tin ma yib ko pi’in kireb ni bod bang i lang.

Isaiah 1:20

Machane fa’an gimed ra siyeg mi gimed togopluw ngog, ma aram e gafgow gimed ya ngam m’ad. I Gag SOMOL e kugog e pi thin ney.”

Isaiah 17:2

Pi binaw nu Syria e bay nn’ag ni manemus. Me mang tagil’ e abich ko saf nge garbaw, ni dariy be’ nra langrad u rom.

Isaiah 22:25

Nap’an nra yodrom, ma fare yuluy nib mache’che’ e bayi warwar nge mul. Ma aram tomuren urngin e pin’en ni un the’ ngay.” I SOMOL e keyog e pi thin ney.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

Isaiah 32:17

Ra be’ ma bay i rin’ e tin nib mat’aw, ma aram fan ni bay un par u fithik’ e gapas nge pagan’ ni gubin ngiyal’.

Isaiah 36:16

Dab mu telmed ngak Hezekiah! Emperor nu Assyria e be yog ngomed ni ngam chuwgad ko re binaw nir ngam pired u tan pa’. Ra pagmed ni ngu’um unmed e grape ko woldug ni grape romed nge wom’ngin e fig ko gek’iy romed, nge ran ko pi luwed romed —

Isaiah 40:5

Ma aram e bayib i m’ug feni muluplup’ SOMOL, ma urngin e girdi’ nu fayleng ni bayi guy. I SOMOL e ke micheg e pi thin ney.”

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Isaiah 58:14

ma aram e gimed ra pir’eg e felfelan’ nma yib ko pigpig ni yima tay ngog. Ma gu ra gagiyeg nagmed ngu’un tay famed u gubin yang u fayleng; me fel’ rogomed ko re nam ni gu pi’ ngak e ga’ romed i Jakob. I Gag SOMOL e kugog e pi thin ney.”

Jeremiah 23:4

Bay gu turguy e pi’in nge gagiyeg nge ayuwegrad. Ma aram e dab kur tamdag gad ara ur rus gad, me gag e dab kug gechig nagrad bayay. I Gag SOMOL e kugog e pi thin ney.”

Jeremiah 30:10

“Girdi’ rog dab murus gad; gimed e girdi’ nu Israel, dabi aw e marus nga yal romed. Ya bay gu laegmed ko fare binaw nib palog, fare binaw ni gimed ba kalbus riy. Bay mu sulod nga tabnaw ngam pired u fithik’ e gapas; bay um pired ni dariy ban’en ni ku ra buch romed, ma dariy be’ ni ku ra k’ar marus ngomed.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Ezekiel 34:28

Pi nam ndar nanged Got e dabkur giliw niged yad bi’id, ma dabki li’rad e gamanman ni malboch ngar longuyedrad. Bay ur pired ndabki buch ban’en rorad, ma dakuriy be’ ni ku ra k’aring e marus ngorad.

Ezekiel 38:11

Bay mu leamnag ni ngam cham ngab binaw ni dariy gelngin ni gin be par fapi girdi’ riy u fithik’ e gapas ni dariy ban’en ni be buch rorad u lan yochi binaw ndariy e yoror nge rungrung riy.

Ezekiel 39:26

Nap’an ni yad ra par bayay ni dakriy ban’en ni be buch rorad u lan taferad, ma dariy be’ ni ku be togopluw ngorad, ma rayag ni ngar paged talin rogon ni un dariyfan nagrad ni fan e ra pagedgag.

Levitikus 26:6

“Bay gu pi’ e gapas ngomed u lan e binaw romed, ma rayag ni ngam molod ndab um rusgad ngak be’. Bay gu chuweg e gamanman ni tacham u lan e binaw romed, ma bayi m’ay e mael u lan e binaw romed.

Mikah 5:3

Ere SOMOL e bayi pag e girdi’ rok nga pa’ e pi to’ogor rorad nge mada’ ko ngiyal’ ni fare pin ni nge gargel e ke gargeleg fak ni pumo’on. Ma aram e girdi’en e nam rok ni yad bay u reb e nam ni yad ba kalbus e bay ra sulod ngar cheaggad ngak e tirorad e girdi’.

Zefaniah 3:13

Girdi’ nu Israel nra magay nib fos e dariy ba kireb ni yad ra rin’ ngak be’, ma dab roged ban’en nib ban, ma ku dab ra guyed rogon ni ngar sasalpiyed ban’en. Bay i fel’ rograd miyad par ndariy ban’en nra buch rorad, ma dariy be’ ni yad ra tamdag ngak.”

Zekariah 3:10

Ra taw ko rofen nem, ma ra bigimed me pining e en yow bbuguliyoror ni nge un ngak ko felfelan’ u fithik’ e gapas nge muduwgil, u fithik’ yungi woldug romed ni grape nge gek’iy ni fig.”