Matthew 8:13 - Bible Ni Thothup

¹³ Me ga’ar Jesus ngak fa en ni ir reb e tolang ko salthaw, “Mu sul nga tabinaw rom, ya rogon nike michan’um e aram rogon ni bay nrin’ ni fan ngom.” Ma fare tapigpig rok fa’anem ni reb e tolang ko salthaw e ka lan e re awa nem e gol riy.

Matthew 8:13 Iomraidhean Croise

Eklesiastes 9:7

Man ngam abich ma ga be felfelan’, mu unum nunum wayin u fithik’ e felfelan’, bfel’ u wan’ Got.

Matthew 15:28

Me fulweg Jesus ngak ni ga’ar, “I gur reb e bpin nrib gel e michan’ rom ngak Got! Tin ni gab adag e bay nrin’ ngom.” Ma ka chingiyal’ nem me gol fachi pin ni fak.

Matthew 17:20

Me fulweg Jesus ngorad ni ga’ar, “Bochan e de gaman e michan’ romed. Mu ted fanmediyan ko re bugithin ni ba’aray! Fa’anra bay e michan’ romed ngak Got ni bod mam’ungun ba awochngin e mustard, mrayag ni nge lungumed ko re burey ney, ‘Mman u roy aram!’ mra yan. Ma demturug ban’en mrayag romed!”

Matthew 8:4

Ma aram me ga’ar Jesus ngak, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy, ma ga pi’ fare maligach ni fa’ani yog Moses, ni ir e nge mang mich rom ngak urngin e girdi’ ndakuriy e daraw rom e chiney.”

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

Mark 7:29

Me ga’ar Jesus ngak, “Bochan e re bugithin nir ni kamog ni fulweg ko tin kugog ma aram e ngam sul nga tafnam; ya fare mo’onyan’ e ke chuw u fithik’ i dow fakam!”

Mark 9:23

Me ga’ar Jesus ngak, “Ke lungum, fa’an rayag rom! Urngin ban’en mrayag rok be’ ni fa’an ra bay e michan’ rok.”

John 4:50

Me ga’ar Jesus ngak, “Mman, ya dabki buch ban’en rok fakam!” Me pagan’ fare mo’on ko thin nike yog Jesus ma aram me yan.