Matthew 6:6 - Bible Ni Thothup

⁶ Machane fa’an ga ra meybil, ma ga yan nga senggil rom ngam ning e mab, ma ga meybil ko Chitamam ni be’ ndanir guy. Ma Chitamam ni be guy e n’en ni kam rin’ nde nang e girdi’ e bayi pi’ puluwon ngom.

Matthew 6:6 Iomraidhean Croise

2 Kings 4:33

Me ning e mab me meybil ngak SOMOL.

Psalms 34:15

I SOMOL e ma yaliy e pi’in yad bmat’aw, mma rung’ag e meyor rorad;

Proverbs 25:22

Ya aram e ra yim’ ko tamra’, ma SOMOL e bay labgen nra pi’ ngom.

Isaiah 26:20

Gimed girdi’eg, marod ngalan e naun romed ngam man’ niged e mab nga fitikeru’med. Mi gimed mith bochngiyal’ nge taw ngilan’ nike m’ay e damumumuw rok Got.

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Matthew 14:23

Ma fa’ani pag fapi girdi’ ngar sulod me yan nga daken bburey ni go ir ni nge meybil. Ma fa’ani aw e lumor ma go’ Jesus ni bay u rom;

Matthew 6:18

nge dabi nang e girdi’ ni ga be par ni kam pag e abich — ma kemus ni Chitamam ndab ni guy e manang. Ma Chitamam ni be guy e n’en ni kam rin’ nde nang e girdi’ e bayi pi’ puluwon ngom.

Matthew 6:4

machane ban’en ni go’ gimew e gimew manang. Ma Chitamam ni be guy e n’en ni kam rin’ nde nang e girdi’, e bay pi’ puluwon ngom!

John 1:48

Me fith Nathanael ngak ni ga’ar, “Ke di’in ma kam nangeg?” Me fulweg Jesus ni ga’ar, “Gguyem ko ngiyal’ ni fa’an ga bay u tan fare ke gek’iy ni fig ko ngiyal’ ni ba’aram ndawori piningem Filip.”

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

Acts 10:30

Me ga’ar Kornelius, “Gonap’an e re ngiyal’ i n’ey fopringan ni gu be meybil u lan e naun rog ko dalip e kolok ni mithig yal’. Mi yigi yib i sak’iy be’ nib mo’on nga p’eowcheg nike yin’ e mad ni be galgal ram’en

Acts 10:9

Me reb e rran riy, ni aram e kranod ni kar chugurgad i yan nga Joppa, me yan Peter nga daken e chigiy ko fare naun nike misiw’ ni fan e nge meybil.

Acts 9:40

Me yog Peter ngorad ni ngranod nga waen ni yad gubin, me ragbug nga but’ nge meybil; me cheal nge sap ko fare yam’ me ga’ar, “Tabitha, mu suwon!” Me pithig owchen, ma fa’ani guy Tabitha Peter me suwon.

Roma 8:5

Pi’in yad be ngongol nrogon ni be yog e dowef rorad ngorad e tin ni ba’adag e dowef rorad ni ngar rin’ed e ir e ke par ni be gagiyegnag lanin’rad.

Efesus 3:14

Ireray fan ni gu ma ragbug u p’eowchen Got ni Chitamangiy,