Matthew 6:16 - Bible Ni Thothup

¹⁶ “Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Matthew 6:16 Iomraidhean Croise

2 Samuel 12:16

Me meybil David ngak Got ni nge gol fare tir. Ma daki kay David ban’en; ma gubin e nep’ ni be yan ngalan e senggil rok nge mol u daken e faraf ni polo’ e nep’.

2 Samuel 12:21

Me ga’ar fapi tolang ni yad bay u tan pa’ ngak, “Dagur nanged fan e re n’ir ni kam rin’, um yor ma kam par ndakumur koy ban’en nnap’an ni kab fos fare tir; machane yugu nap’an ni yim’ ma ga suwon u but’ ngalang ngam un ko abich!”

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

Nehemiah 1:4

Fa’an gu rung’ag e pi thin ney mug par nga but’ ngu yor, ere ug yor ni in e rran; ma aram mugu pag e abich mugu meybil u p’eowchen Got nu tharmiy.

Ester 4:16

“Mman ngam pining gubin e Jew nu lan yu Susa nga ta’bang; mi gimed pag e abich ngam meybil nigedgag. Dab mu ked fa mu unumed ban’en ni dalip e rran nge dalip e nep’. Pi tapigpig rog ni ppin nge gag e ku bay gu rin’ed ni aray rogon. Ma nga tomuren e bay gu wan ngak fare pilung, ni yugu aram rogon ni ba togopluw ko motochiyel. Fa’anra thingar gum’ ni bochan e ren’ey ni kug rin’, me ere kefel’ nggum’.”

Psalms 109:24

Ke m’ay gelngin bugug ni bochan e uyngol; kug par ni go’ bayach nge yil.

Psalms 35:13

Machane, gag e nap’an ni yad bm’ar, mu gu chuw nga madan e kirban’; mu gu pag e abich; Mu gu meybil ni kugup’ owcheg nga but’,

Psalms 69:10

Ra gu pag e abich ni bochan e nge sobut’anug u p’eowchem, me yog e girdi’ e thin nib tagan ngog;

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.

Malaki 3:14

Ke lungumed, ‘Mm’ay fan e pigpig ni ngan tay ngak Got. Dakuriy fan ni ngad rin’ed e tin be yog, fa da guyed rogon ni ngad daged ngak SOMOL ni Gubin ma Rayag Rok nike kolngan’dad ko tin kad rin’ed.

Matthew 6:1

“Mu guyed rogomed ni nge dab mu ngongliyed e ngongol ni bfel’ u fithik’ e girdi’ ni fan e nge guy e girdi’ e n’en ni gimed be rin’. Fa’anra um rin’ed e pin’ey u fithik’ e girdi’ ni yo’or ma dariy puluwon nra yib riy ngomed rok e Chitamangimed nu tharmiy.

Matthew 6:2

“Ere fa’an ga ra pi’ ban’en ngak be’ nike gafgow ndabisiy ni nge yag ngak, ma dab mu guy rogon ni ngar ni guy, ni bod nma rin’ e pi’in nma madag girdi’ u lan e pi tafen e mu’ulung ngu daken e kanawo’. Yad ma rin’ ni bochan e nge yog e girdi’ e sorok ngorad. Dab mpaged talin, ni aram e kem’ay i pi’ puluwon ngorad ni polo’.

Matthew 6:5

“Ma fa’an gimed ra meybil, ma dab mu boded e pi’in yad ma madag girdi’, ni yad ba’adag ni ngar sak’iygad ngar meybilgad u lan e pi tafen e mu’ulung nge yungi n’en ni madardar ko kanawo’ ni bochan e nge gubin e girdi’ me guyrad. Dab mpaged talin, ni aram e kem’ay i pi’ puluwon ngorad ni polo’!

Mark 2:18

Me yan i ba ngiyal’ nike par e pi’in yad ma un ngak John nma tawfe nge pi Farise ni kar paged e abich. Me yib boch e girdi’ ngak Jesus, miyad fith ni lungurad ngak, “Mangfan nike par pi gachalpen John nma tawfe nge pi gachalpen e pi Farise ni kar paged e abich, ma de un pi gachalpem i pag e abich?”

Luke 18:12

Gu ma pag e abich u l’agruw e rran u reb e wik, ma gu ma pi’ ngom 10 pasent u urngin e pin’en ni gu ma thognag.’

Luke 2:37

me yim’ e pumo’on rok me par ni go ir nge gaman meruk i ragag nge aningeg e duw yangren. Nder pag e Tempel, ni rran nge neap’ ni be liyor ngak Got, ma be pag e abich ma be meybil.

Acts 10:30

Me ga’ar Kornelius, “Gonap’an e re ngiyal’ i n’ey fopringan ni gu be meybil u lan e naun rog ko dalip e kolok ni mithig yal’. Mi yigi yib i sak’iy be’ nib mo’on nga p’eowcheg nike yin’ e mad ni be galgal ram’en

Acts 14:23

Mra reb e galesiya miyow turguy e pi’in pi’ilal riy ni yad e ngu’ur ayuweged girdi’en e galesiya riy; miyow par ni kar pagew e abich ngar pi’ew yad ngak Somol u fithik’ e meybil, ni fare Somol ni ir e ke pagan’rad ngak.

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

2 Korinth 11:27

Ma kug maruwel nib gel e maruwel ni kug tay; oren ngiyal’ e dariy e mol; ma gu be yim’ ko bilig nge belel; ma ke yo’or yay ni kug gafgow ko ggan, nge naun, nge mad.

2 Korinth 6:5

Kan toymad ko dumow, ma ka nin’mad nga kalbus, ma ke yib e girdi’ ni pire’ ni ngar li’ed gamad; ma kug maruwelgad ke aw parowmad, ma kug pired yu ngiyal’ ndariy e mol ma dariy e abich.