Matthew 5:3 - Bible Ni Thothup

³ “Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Matthew 5:3 Iomraidhean Croise

2 Kronicles 33:12

Mu fithik’ e gafgow rok me sobut’ laniyan’, me cheal nge sap ngak SOMOL ni Got rok, me wenig ngak ni nge ayuweg.

2 Kronicles 33:19

Fare meybil rok fare pilung nge fulweg riy ni pi’ Got, nge babyoren e denen ni i rin’ fare pilung u m’on ni pi’ keru’ ko denen rok-kireb ni i rin’, yungi tagil’ e tayfan rok e pi’in ndar nanged Got nge pi pow rok Asherah ni fare got nib bpin ni ngongliy nge pi liyos ni i tayfan — e go’ kan yoloy ngalan e babyor ni Chepin e Profet.

2 Kronicles 33:23

Machane de bod e chitamngin ni sobut’nag laniyan’ nge sul ngak SOMOL; kabgel feni kireb e tin i rin’ rok chitamngin.

2 Kronicles 34:27

ma ga pi’ keru’um ko denen rom ma ga sobut’ nigem u p’eowcheg, ni ga be guchthuy e madrom ma ga be yor, nnap’an ni mu rung’ag rogon ni kugog ni nggu gechignag yu Jerusalem nge girdi’ riy. Ku gu rung’ag e meybil rom,

2 Kronicles 7:14

ma fa’anra yad ra meybil ngog ni ka ra kal gad ngan’rad miyad pi’ keru’rad ko kireb ni yad be ngongliy, ma aram e gu ra rung’ag nga tharmiy, mu gu n’agfan u wun’ug e denen rorad, mu ku gu fulweg e nam rorad nge fel’ rogon bayay.

BABYOR NI JOB 42:6

ere kug tamra’ nga urngin e tin ku gu weliy ma kug kolngan’ug u roy u fithik’ e fiyath nge awat.

Psalms 1:1

Ba felan’ e cha’ nma siyeg ni nge fol ko fonow rok e girdi’ nib kireb, ma der folwok ko pi’in ni tadenen, ara un ngak e pi’in dariy fan Got u wan’rad.

Psalms 112:1

Ke sorok SOMOL! Nge felan’ e en ni bay madgun SOMOL u wan’, ma rib felfelan’ ngay nma folwok ko tin keyog ni ngan rin’.

Psalms 128:1

Ba felan’ e pi’in yad ma fol rok SOMOL, ni yad ma par nrogon nike yog.

Psalms 146:5

Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

Psalms 2:12

mi gimed siro’ ngak; ya ra danga’ ma ra puw e damumuw rok, mi gimed yim’ nib tomgin. Ba felan’ urngin e pi’in yad ma yan ngak SOMOL ni nge yororiyrad!

Psalms 34:18

I SOMOL e ba chugur ngak e pi’in ke mulan’rad; mma ayuweg e pi’in dakriy ban’en ni be lagan’rad ngay.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

Psalms 51:17

Got, maligach rog ngom e subut’an ni ku gu tay; ya be’ nike kolngan’ nge fol rom e dab mu n’ag.

Psalms 84:12

SOMOL ni Gubin ma Rayag Rom, rib felfelan’ e pi’in gur e ke lagan’rad ngom!

Proverbs 16:19

Kabfel’ ni ngam sobutan’ ma ga par ni ga ba gafgow ko bin ngam mang be’ nib tolangan’ ngam un i f’oth e tin kar laged u fithik’ e yargal.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Proverbs 8:32

“Gimed e pi’in pagel, mu telmed ngog. Mu rin’ed e tin kugog mu um pired ni gimed ba felfelan’.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Matthew 11:6

Rib felan’ e en ndagur maruwar u wan’!”

Matthew 13:16

“Ma gimed e rib fel’ wa’athmed! Ya lan owchemed e be guy ban’en ma lan telmed e be rung’ag ban’en.

Matthew 19:14

Me ga’ar Jesus, “Mpaged e pi bitir nir ngarbad ngog, dab mu taleged yad, ya gagiyeg nu tharmiy e fan ngak e pi’in bod e pi bitir ney.”

Matthew 24:46

Rib ga’ ba felfelan’ nra tay e re tapigpig nem ni fa’anra sul e masta rok nga tabinaw me pir’eg ni ireray e n’en ni be rin’!

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Matthew 3:2

ni be ga’ar, “Mpi’ed keru’med ko denen ni gimed be rin’, ya gagiyeg nu tharmiy e ke chugur!”

Matthew 8:11

Mu ted fanmediyan ko re bugithin ney! Bo’or e girdi’ ni bay rabad u lan e ngek ngu lan e ngal ngar uned ngak Abraham, nge Isak, nge Jakob ko par nga tebel ko gin nsuwon Got u tharmiy.

Mark 10:14

Ma fa’ani nang Jesus ni aram rogon me ri dabuy, me yog ngak pi gachalpen ni ga’ar, “Mpaged e pi bitir nir ngarbad ngog! Dab mu taleged yad, ya gagiyeg rok Got e fan ngak e pi’in bod e pi bitir ney.

Luke 11:28

Machane me fulweg Jesus ni ga’ar, “Ri kab felan’ e pi’in kar rung’aged e thin rok Got ma kar pired ni yad be fol riy!”

Luke 18:14

Me ga’ar Jesus, “Nggog ngomed, nre tamukun tax nem ma gathi fare Farise e sul nga tafen nike mat’aw ngak Got. Ya en nra tolangnag ir e yira sobut’nag, ma en nra sobut’nag ir e yira tolangnag.”

Luke 22:29

ere rogon nike pi’ e Chitamag mat’wug ngog ni ngug gagiyeg, e eram e n’en ni bay gu rin’ ngomed.

Luke 22:30

Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

John 20:29

Me ga’ar Jesus ngak, “Ka fin gu mich u wun’um ni bochan e kam guyeg? Rib felan’ e pi’in ndar guyed gag mu gu mich u wun’rad!”

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

James 1:10

ma en ni walagdad ni girdi’en Kristus ni be’ ni pire’ ban’en rok e thingari felan’, ya ke sobut’nag Got laniyan’. Ya cha’ ni pire’ ban’en rok e bay yim’ nge yan ni bod ba floras ni puf u ba ke floras ni bay u fithik’ e pan.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Revelation 19:9

Ma aram me ga’ar fare engel ngog, “Mu yoloy e bin ba’aray: Ke felfelan’ e pi’in ni kan piningrad ko fare madnom ko mabgol rok fare Fak e Saf.” Me ul ul fare engel ngay me ga’ar, “Pin’ey e ireray fapi thin rok Got nib riyul’.”

Revelation 22:14

Nge felan’ e pi’in ni kar lukniged e mad rorad ke be’ech, ya bay mat’awrad ni ngar ked wom’ngin fare ke gek’iy ko yafos, miyad yan u langan fapi garog ngalan fare binaw.

Revelation 3:17

Ya ke lungum u lanin’um, “Ke yo’or ban’en rog nike fel’ rogog, ya urngin e tin nge yag ngog e ke yag ngog.” Machane da mu nang gelngin e gafgow ni kam tay nge rogon yaam ni kari mu gafgow! Ya kam gafgow, ma dakuriy e mad u dakenam, ma kam malmit.