Matthew 5:15 - Bible Ni Thothup

¹⁵ Dariy be’ nra tay e nifiy ko magal me tay nga tan baraba’ i ban’en; ya ra tay nga tagil’ e magal, ko gin nrayag ni nge gal’ urngin e girdi’ ni yad bay u lan e naun.

Matthew 5:15 Iomraidhean Croise

Exodus 25:37

Mi gimed ngongliy medlip i magal ni fen fare tagil’ e magal, ngam ted nga p’ebgul ni be gal ram’en nga m’on.

Zekariah 4:2

Me fitheg ni ga’ar, “Ba mang e ga be guy?” Mug fulweg ni lungug, “Ba tagil’ e magal nni ngongliy ko gol, u daken p’ebugul e bay barba’ i dabiy riy ni fen e gapgep. Ma daken tagil’ e magal e medlip lay e magal ni bay riy, ra balay ma medlip yang e wik ni bay riy.

Numbers 8:2

“Mog ngak Aron ni nge ayliy fa medlip i magal ni ngi i mat nga m’on.”

Mark 4:21

Me ul ul Jesus ngay ni ga’ar, “Bay be’ ni ka’a fek ba magal i yib nga naun ni kan abweg meyib i tay nga tan baraba’ i ban’en fa nga tan e bet? Gathi ra tay nga tagil’ e magal?

Luke 11:33

“Dariy be’ nra tay e nifiy ko magal me mithag ara tay nga tan barba’ i ban’en; ya ra tay nga tagil’ e magal, ni fan e nge yib e girdi’ nga naun miyad guy ram’en.

Luke 11:36

Ere fa’anra ba sug dowam ni polo’ ko tamilang ndariy bang riy u fithik’ e lumor, mra tamilang ni gubin yang, ni bod rogon ni mat ram’en ba magal nga dakenam.”

Luke 8:16

“Dariy be’ nra tay e nifiy nga ba magal me upunguy nga baraba’ i ban’en ara tay nga tan bangi bet. Ya ra tay nga daken tagil’ e magal, ni fan e nge yib e girdi’ ngalan e naun miyad guy ram’en.

Filippi 2:15

nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,

Hebrews 9:2

Ni toy ba tent, ma bin ngam’on e senggil nike lunguy fa Gin’en nib Thothup e ir e bay fare magal u lan, nge fare tebel ni bay e flowa u daken ni kan pi’ ngak Got.

Revelation 2:5

Mu leamnag n’umngin yang e gin ni kam mul riy! Mpi’ keru’um ko denen ni ga be rin’ ngam rin’ e n’en ni um rin’ ko som’on. Fa’anra dab mpi’ keru’um ko denen ni ga be rin’ ma bay gub ngom nggu chuweg fare ley i tagil’ e magal rom u tagil’.