Matthew 4:15 - Bible Ni Thothup

¹⁵ “Nug nu Zebulun, nge nug nu Naftali, nib migid ko lipath, u baraba’ e Jordan, Galile rok e pi’in gathi yad piyu Israel!

Matthew 4:15 Iomraidhean Croise

1 Kings 9:11

Me Hiram ni Pilung nu Tyre e ke pi’ urngin e gek’iy ni cedar nge pine nge urngin e gol ni ba’adag Solomon ni nge fanay ko re maruwel rok ney. Ma nap’an ni m’ay fare maruwel, me pi’ Solomon ni Pilung rliw’ e yuchi binaw u lan e nug nu Galilee ngak Hiram.

2 Kings 15:29

Ma ngiyal’ nib pilung Pekah me kol Tiglath Pileser ni ir e pilung nu Assyria fapi binaw nu Ijon, Abel Beth Maakah, Janoah, Kedesh, ngu Hazor, nge nug nu Gilead, Galilee, ngu Naftali, me fek e girdi’ nga Assyria ni kalbus.

Isaiah 9:1

Dariy kanawo’en miyad thay ko re gafgow ni bay yib e ngiyal’nem. Nam ko ganong rok Zebulun nge Naftali e un darifannag, machane bayi bingyal’ ma bay ni tay fan e re nam ney, ni tabab ko day ni Mediterranean me yan ko ngek nga ba’ nem e Jordan nge mada’ nga Galile ko gin be par girdi’en boch e nam riy.

Matthew 4:13

Ma de par u Nazareth, machane me yan i par nga Kapernaum, nib binaw ni bay u to’oben e lipath nu Galile, ni bay u lan e nug nu Zebulun nge Naftali.

Matthew 4:14

I yodorom ni fan e nge yib i m’ug nib riyul’ e tin ni yog Isaiah ni profet ni ga’ar:

Matthew 4:25

Ma pire’ ni pire’ e girdi’ ni yad be lek, nrabad u Galile, ngu lan fare gi nug ni Ragag e Binaw fithingan, ngu Jerusalem, ngu Judea, ngu lan fa gi binaw ni bay u ba’nem e lul’ ni Jordan.

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

Joshua 20:7

Ere ba’ ni ngal ko Jordan e ra mel’egged yu Kedesh u lan yu Galilee, ni go’ burey u lan yu Naftali, ngu Shekem ni go’ burey u lan yu Efraim, nge Kiriath Arba (ni aram yu Hebron) ni go’ burey u lan yu Judah.

Joshua 21:32

Mu tafen Naftali e dalip e binaw riy nni pi’ ngorad: Kedesh (ni reb fapi binaw ntagil’ e ayuw) u Galilee, Hammoth Dor, ngu Kartan, nge yungi flang ko pi binaw nem ni fan ko gamanman rorad.