Matthew 3:4 - Bible Ni Thothup

⁴ Mad rok John e ni ngongliy nga bunu’en e kamel; ma ke leed nga keru’ e gamanman; ma ggan rok e asman’ing nge honey ni be pir’eg u fithik’ e pan.

Matthew 3:4 Iomraidhean Croise

2 Kings 1:8

Mar fulweged ni lungurad, “Ke chuw ngab mad nib n’uw nni ngongliy ko keru’ e gamanman ni kan m’ag bangi leed ni keru’ e gamanman ngay.” “Ir Elijah!” tolulnag fare pilung.

Isaiah 20:2

Dalip e duw aram nga m’on me yog SOMOL ngak Isaiah nib mo’on ni fak Amoz ni nge luf e sus rok nge mad u daken ni tutuw. Me fol riy ngi i yan u rom i yan ni dariy e mad rok nge sus.

Levitikus 11:22

Rayag ni ngam ked e locust, cricket, nge asamaning.

Zekariah 13:4

Rofen nem e dariy ba profet ni ku ra ufanthin ko tin ma pilyeg e changar rok ngi i guy, ara i yan u ya’an e profet, fa chuw nga madan e profet nib matharthar ni fan e nge ban nag e girdi’.

Malaki 4:5

“Machane u m’on ndawori taw e re rran nem rok SOMOL, ni aram fare rran ni ba ga’ ma ba gel e gafgow riy, e bay gu l’oeg fare profet i Elijah nge yib ngomed.

Matthew 11:18

Yib John, mi i par yu ngiyal’ nike pag e abich ma da i unum e wayin, me yog e girdi’ ni gubin ni lungurad e be’ nib aliliy!

Matthew 11:8

Mang e mmarod ni ngam guyed? Be’ nib mo’on nike yin’ e mad nrib tolang puluwon? Girdi’ ni yad ma yin’ e mad ni aram rogon e yad ma par u tafen e pilung i yan!

Mark 1:6

Ma ke yin’ John e mad nni ngongliy nga bunu’en e kamel, ma ke leed nga keru’ e gamanman; ma ggan rok e asmen’ing nge honey ni be pir’eg u fithik’ e pan.

Luke 1:17

Ma bayi yan ni ir e mol’og rok Got, nib gel ma ba gel gelngin e thin rok ni bod Elijah ni profet. Ma bayi fulweg e matam nge bitir nga ta’bang; ma bayi fulweg e girdi’ ndakurir folgad nga kanawo’en e leam nma tay e pi’in nib mat’aw; ma bayi ngongliy rogon girdi’en Somol ngar pired ni yad be sonnag Somol.”

Deuteronomy 32:13

“I pagrad ngu’ur gagiyeg niged e yungin th’abi tolang, mu ur ked e pin’en ni be tugul u daken e pi flang, ur pir’eged e honey ni bay u thilthilin e war; ma yu ke olive rorad e i tugul ni bfel’ rogon ko but’ ni pire’ e malang riy.

Revelation 11:3

Bay gu l’oeg l’agruw ni’ ni ngar weregew murung’ageg ni ka ron’ew e mad ntutuw; ma bay ra weregew e thin rok Got u lan ragag nge l’agruw mir’ay nge nel’ i ragag e rran.”