Matthew 3:12 - Bible Ni Thothup

¹² Ma bay talin e maruwel rok ni nge chuweg urngin fitiyru’ i wom’ngin e woldug ni grain; me kunukunuy limngun ni yima ngongliy e flowa riy nge tay nga naun rok, me urfiy fapi fitiyru’ u fithik’ ba nifiy ni dabi math bi’id!”

Matthew 3:12 Iomraidhean Croise

BABYOR NI JOB 21:18

ara thoyrad ngar uned u fithik’ e nifeng ni bod e chabung nike mlik, fa bod e fiyath ni un ko yako’?

Psalms 1:4

Ma girdi’ nib kireb e gathi ara’rogorad! Yad bod kenggin e grain ni kan th’ab ke mlik’, nra aw e nifeng ngay me changegnag.

Psalms 35:5

Mang e ra boded e chabung ni be changegnag e nifeng, nnap’an ni be tulufrad fare engel rok SOMOL!

Isaiah 1:31

Rogon feni mlik’ e chabung ni aw k’affin e nifiy ngay me yik’, e aram rogon e girdi’ nib gel gelingrad ni bayi kireb nagrad e pi ngongol rorad ni buchan’, ma dariy be’ nrayag rok ni nge taleg e re riya’ nem u puluwrad.

Isaiah 17:13

Fapi nam e kar gurgad i yib ni bod payngin e n’ew, machane Got e puwan’ ngorad miyad sul nga tomur, rchuwgad ni bod e fiyath ni un ko nifeng u barba’ e burey ara pan ni mlik’ u fithik’ e nanyor.

Isaiah 27:4

Dak gur damumuw. Machane fa’anra tugul e rchangal ngay, ma bay gu kirebnag nggu orfeg nga but’.

Isaiah 28:28

Dar ma kirebnag e wheat ni nge pirdi’ir nib gal, manang rogon i bilig ni ngi i pi’ e cart u daken ndabi tagannag fapi grain.

Isaiah 30:24

Pi garbaw nge dongki nma ker e milay’ romed e yad ra kay e pin’en nth’abi fel’ ni makay e gamanman.

Isaiah 41:16

Bay mon’rad ngalang; me yib e nifeng i fekrad, me weregrad e nifeng nib gel. Ma aram e bay mu felfelan’ ni bochan e Gag e Got rom; bay mu pining e sorok ngog i Gag fare Got nu Israel ni gub thothup.

Isaiah 5:24

Ere chiney, e ri bod e kenggin e uchel nge pan nike mlik ni be yik’ u fithik’ e nifiy, lik’ngimed e bayi malad ma mak’uf romed e bayi fengfeng nge changag ngabang, ni bochan e ka mu n’iged SOMOL ni Gubin ma Rayag Rok, ni fare Got nib thothup nu Israel.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Jeremiah 15:7

Lan gubin e binaw u lan e re nam ney e ku gon’med riy nga fithik’ e nifeng ni bod kenggin e grain. Ku gu thirifmed e girdi’ rog u but’, ku gu thang e pogofan rok pifakmed ya da’an mu taleged e kireb ni gimed be ngongliy.

Jeremiah 17:27

Machane thingar ra folgad rog ngar tedfan e Sabbath ni bod borran nib thothup. Thangri dabra feked ban’en nib tomal ngalan e pi garog nu Jerusalem e rofen nem, ma fa’an yad ra rin’, ma bay gu urfiy e pi garog nu Jerusalem nem. Bayi urfiy e nifiy e pi tafen e pilung u Jerusalem nga but’, ni dariy be’ nrayag ni nge thang.”

Jeremiah 4:11

Bay i taw nga bangiyal’ nap’an yira yog ko girdi’ nu Jerusalem ni bay bang i nifeng nib mo’oruf gowalngin ni be yib u lan e ted ni desert i yib ngorad. Gathi bang i nifeng nib waer ni kemus ni chabung e nge changagnag

Jeremiah 51:2

Bay gu pi e milekag ni nge gathay yu Babylon ni bod ba nifeng nma changagnag e chabung. Nap’an nra taw ko rofen nem ni rran ko riya’ ni nge yib, ma yad ra cham u gubin raba’ fare nam nge par ni dakriy ban’en u daken.

Jeremiah 7:20

Ere gag, SOMOL ni Th’abi Tolang, e bay gu pu’og e damumuw rog nib gel nga daken e re Tempel ney. Bay gu pu’og nga daken e girdi’ nge gamanman nta’reb rogon, ma ku er i tay e gek’iy nge woldug. Damumuw rog e bayi bod ba nifiy ndariy be’ nrayag ni nge thang.

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Amos 9:9

“Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay.

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Matthew 13:30

Ere mpaged e woldug nge pan nge ga’ u ta’bang nge mada’ ko ngiyal’ ni ngan kunuy e re woldug nem ngan tay nga naun, ma aram e bay gog ko pi’in ngar muruwliyed ni som’on e ngar puged e pan u fithik’ e gi woldug nem ngar m’aged thuman ni nganin’ nga mit e nifiy, miyad kunuy e re woldug nem ngar ted nga naun rog.’

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Matthew 13:42

nga ron’ed yad ngalan fare stof ni be yik’ ko gin ni bay ur yorgad riy ma be chachafin nguwelrad.

Matthew 13:43

Ma tirok’ Got e girdi’ e bayi gal rama’erad ni bod e yal’ ko gin ni Chitamangirad e be gagiyegnag. Ere mmotoyilgad ni fa’anra bay telmed!

Luke 3:16

Me ga’ar John ngorad ni yad gubin, “I gag e gu be tawfe nagmed ko ran, machane be’ nri ka ba ga’ ngog e bay yib, ya gag e ri gub sobut’ ndab gu bung ni nggu pithig togfan e sus rok. Ir e bayi tawfe nagmed ko fare Kan Nthothup nge nifiy.

Luke 3:17

Ma bay talin e maruwel rok ni nge chuweg fiteyru’ urngin wom’ngin e woldug ni grain, me kunukunuy limngun ni yima ngongliy e flowa riy nge tay nga naun rok, me urfiy fapi fiteyru’ u fithik’ ba nifiy ni dabi math bi’id!”

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.