Matthew 27:27 - Bible Ni Thothup

²⁷ Me fek e salthaw rok Pilate Jesus ngalan e naun ko am, me mu’ulung fa raba’ i salthaw ngak.

Matthew 27:27 Iomraidhean Croise

Matthew 26:3

Ma aram me mu’ulung e pi tolang ko prist nge pi’in yad ba ilal rok piyu Israel ngalan e naun rok Kaifas, ni ir fare Prist ni Th’abi Ga’,

John 18:28

Ri kab kadbul miyad fek Jesus u tafen Kaifas nga tafen e en ni ir e am. Ma de yan piyu Israel ngalan fare naun ntafen e am ni be’ u Roma, ya yad ba’adag ni ngar pired ni yad bbe’ech u yalen e Motochiyel rorad, ni bochan e nge yag nra uned i kay e ggan ko madnom ni Paluk’af.

John 18:3

Ma aram me yan Judas ko gin’em nike un ba ulung i salthaw ngak nge boch i matanagen e Tempel ni pi’rad e pi tolang ko prist nge pi Farise, ranod ni kar feked talin e cham, nge magal, nge nifiy.

John 18:33

Me sul Pilate ngalan e naun me pining Jesus. Me fith Pilate Jesus ni ga’ar ngak, “I gur fare pilung rok piyu Israel fa danga’?”

Acts 10:1

Immoy be’ nib mo’on u lan yu Cesarea ni Kornelius fithingan, ni ir ba pilungen baraba’ i salthaw nu Roma ni kan tunguy fithingan ni “Baraba’ i Salthaw nu Italy.”

Acts 23:35

me ga’ar, “Bay gu rung’ag e tin ngamog ko ngiyal’ ni bayi taw e pi’in ngar togopluwgad ngom.” Ma aram me yog e thin ni ngan matnagiy Paul u tafen Herod ni Pilung.

Acts 27:1

Nap’an nturguy ni nggu warod u barkow nga Italy, miyad pi’ Paul nge boch e kalbus ngak Julius, ni ir reb e tolang u baraba’ e salthaw rok piyu Roma, ni kanog fithingrad ni “Fare Raba’ i Salthaw rok fare Emperor nu Roma.”