Matthew 27:1 - Bible Ni Thothup

¹ Ma kab kadbul me puruy’nag e pi tolang ko prist nge pi’in pi’ilal rok piyu Israel e n’en ni ir e nge togopluw ngak Jesus nge yag nli’ ngem’.

Matthew 27:1 Iomraidhean Croise

Psalms 2:2

Pi pilung rorad e kar togopluwgad, ma pi’in yad be gagiyeg nagrad e kar mu’ulunggad yad be makath nib togopluw ngak SOMOL nge fare pilung ni Got e mel’eg.

Psalms 31:13

Gu be rung’ag e kathkath ko to’ogor ni yo’or; ke ingeg e morus ni gel. Yad be purpuruy’ nib togopluw ngog, yad be makath ni ngar thanged e fan rog.

Psalms 71:10

Pi to’ogor rog e yad ba’adag ni ngar li’edgag ngum’; ma yad be non ma yad be makath nigeg.

Mikah 2:1

Ke riya’ e pi’in dar mol owcharad i luguy nag e kireb! Ma ra yan i kadbul, nap’an ni yugu ra bung rogorad ni ngar rin’ed fapi kireb ni ur luguy niged, miyad rin’.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Mark 15:1

Ma nap’an ni yigi kadbul me mu’ulung nib gur e pi tolang ko prist nge pi’in pi’ilal, nge pi tamchib ko Motochiyel nge urngin girdi’en e mu’ulung ngar puruy’gad. Miyad yin’ e chen ngak Jesus ngar feked i yan ngar pi’ed ngak Pilate.

Luke 13:1

Re ngiyal’ i n’em e immoy boch e girdi’ ko gin’em nrogned ngak Jesus murung’agen fapi girdi’ nu Galile ni thang Pilate e pogofan rorad ko ngiyal’ ni yad be pi’ e maligach riy ngak Got.

Luke 22:66

Ma fa’ani rran, me mu’ulung e pi’in pi’ilal rok piyu Israel nge pi tolang ko prist, nge pi tamchib ko Motochiyel, min fek Jesus i yib ngalan e mu’ulung rorad.

John 18:28

Ri kab kadbul miyad fek Jesus u tafen Kaifas nga tafen e en ni ir e am. Ma de yan piyu Israel ngalan fare naun ntafen e am ni be’ u Roma, ya yad ba’adag ni ngar pired ni yad bbe’ech u yalen e Motochiyel rorad, ni bochan e nge yag nra uned i kay e ggan ko madnom ni Paluk’af.

Acts 5:21

Me fol e pi apostel riy, ma nap’an ni be puf e woch miyad yan ngalan e Tempel ngar tababgad ko machib. Ma fare Prist ni Th’abi Ga’ nge pi’in yad nga baraba’ e ra ulunguyed urngin e pi’in pi’ilal rok piyu Israel ni ngar mu’ulunggad ngar puruy’gad; miyad pi’ e thin nge yan nga kalbus ni ngan fek fapi apostel i yib nga p’eowcherad.

Judges 16:2

Me nang e girdi’ nu Gaza ni bay Samson u rom, miyad yin’ e gin’em nga longob ngu’ur son niged u langan e garog ko re binaw nem ni polo’ e nep’. Ra pired e re nep’ i n’em ni polo’ nde non bagayad, ni be lungurad u wun’rad, “Ngad son niged nge yan i kadbul ma gadad li’ ngem’.”

1 Samuel 19:11

Ka re nep’ i n’em me l’oeg Saul boch e pumo’on ni ngar matanagiyed e naun rok David ya nge kadbul miyad li’. Mi Mikal ni le’engin David e yog ngak David ni nge ayuw ni ga’ar, “Fa’anra dab mmil e nep’ ney, ma gabul e gab yam’.”