Matthew 26:67 - Bible Ni Thothup

⁶⁷ Ma aram miyad thuw nga owchen miyad toy; ma pi’in nra bat niged

Matthew 26:67 Iomraidhean Croise

1 Kings 22:24

Me yan Zedekiah ngak Mikayah, me batnag owchen me ga’ar, “Wi’in ney e kechuw e gelngin rok SOMOL rog ke non ngom?”

Isaiah 50:6

Kug pi’ keru’ug ni ngan toy, ma da gu taleg e pi’in nra moning nigedgag ko fa ngiyal’nem nra bup’iyed sorbeg miyad thuw nga owcheg.

Isaiah 52:14

Pire’ e girdi’ nra guyed miyad gin ngak; ya ke pig ya’an ngabang ni gowa gathi ba girdi’.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Jeremiah 20:2

me yog ni ngan toyeg mi ni m’ageg ko chen u charen e bin talang e Garog ni Benjamin fithingan.

Lamentations 3:30

Yug aram rogon e parde’ nge thin nib wupwup, ma thingarda feked ni gubin.

Lamentations 3:45

Kam taymad ni bod ba modo’ ko fayleng.

Mikah 5:1

Gimed e girdi’ nu Jerusalem, mu fal’eged rogomed ko cham, ya ka ni m’ag e mael ngodad! Yad be cham ngak e en ni ir e be yog e thin rok piyu Israel!

Numbers 12:14

Me fulweg SOMOL ni ga’ar, “Fa’an mang e chitamngin e thuw nga lanmit, mra fek tamara’en ni medlip e rran. Ere nga nin’ Miriam nga wuru’ e gin ni be par yu Israel riy ni reb e wik. Ma fin ra m’ay reb e wik mrayag ni ngan fulweg ngalan e gin ni yibe par riy.”

Matthew 26:68

e lungurad, “Messiah, mog ngomad ni bod rogon e profet ko mini’ e ke bat nigem!”

Matthew 27:30

Miyad thuw nga daken, miyad fek fare ley i rouy ngar toyed nga lolugen.

Matthew 5:39

Machane nggog ngomed e chiney ni nge lungug, Dab mu fulweged taban e kireb ngak e en nike rin’ e kireb ngomed. Fa’anra batnag be’ e ba’ ni mat’aw i linglingim, ma ga pag ngki batnag e ba’ ni gilay’ i linglingim.

Mark 10:34

Ma bay ur moning niged, ma yad be thuw nga daken, ma yad be toy ko dimow, nge mu’ miyad li’ ngem’. Mra pag dalip e rran min faseg ko yam’.”

Mark 14:65

Me tabab boch i yad i thuw nga daken Jesus, miyad m’ag owchen ngu’ur batniged ma be lungurad ngak, “Mog ko mini’ e ke bat nigem!” Me fek e pi matnag Jesus ngu’ur bat niged.

Mark 15:19

Me ere ur toyed e rouy nga lolugen, ma yad be thuw nga daken, ma yad be ragbug u p’eowchen ngu’ur siro’gad ngak.

John 18:22

Fa’ani yog Jesus e re bugithin ney, me batnag reb fapi matanag Jesus me ga’ar ngak, “I di’in ma kamnon ngak e en ir e Prist ni Th’abi Ga’ ni errogon!”

John 19:3

miyad yib ngak me lungurad, “Nge n’uw nap’an ni par e pilung rok piyu Israel!” Miyad yan ngak ngar batniged.

1 Korinth 4:13

ma yira yog e thin nib kireb ngomad ma gamad fulweg u fithik’ e thin nib munguy. Gamad e ta’reb rogomad ko chabung nu fayleng; gamad e fiyath u roy u fayleng ke mada’ ko re awa ney!

Deuteronomy 25:9

ma fare pin rok walagen nike yim’ e nge yib ngak fare mo’on u p’eowchen e pi’in yad be yog e thin ko fare binaw, nge luf baraba’ e sus u ay fare mo’on me thuw nga owchen fare mo’on me ga’ar ngak, ‘Irera’ e n’en niyima rin’ ngak e re mo’on nra siyeg ni nge munfangich nge sum owchen walagen nike yim’.’

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.