Matthew 26:63 - Bible Ni Thothup

⁶³ Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Matthew 26:63 Iomraidhean Croise

1 Kings 22:16

Me ga’ar Ahab ngak, “Nge uw urngin yay ni nggog ngom ni kemus ni tin riyul’ e ngam weliy ngog u fithingan SOMOL?”

2 Kronicles 18:15

Machane me fulweg Ahab ni ga’ar, “Fa’an mu non ngong u fithingan SOMOL, ma ga weliy e tin riyul’! Bu uw urngin yay ni ngog ngom?”

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Proverbs 29:24

Cha’ ni un ngak be’ nib mororo’ ko mororo’ e ir e ra bannag ir. Yira gechignag ni fa’anra yog e tin rriyul’ u tafen e puf oloboch, mra dabi yog e tin riyul’ mra bucheg Got wa’athan.

Isaiah 53:7

“Rib gel e gafgow ntay ngak, machane me athamgiliy u fithik’ e sobut’an’; de yog ta’ab bugithin. Bod ba pifak e saf ni yibe n’en ni ngan li’ ngem’, bod ba saf ni yibe n’en ni ngan th’ab bunu’en nge m’ay, ma de yog ta’ab bugithin.

Daniel 3:16

Me fulweg Shadrak nge Meshak nge Abednego ni lungurad, “Pilung, dab gguyed rogon ni nggu yoror gad romad.

Levitikus 5:1

Fa’anra siyeg be’ ni nge yog ban’en u kort u murung’agen ban’en ni guy fa manang ni buch, ma ke denen ni yira gechignag riy.

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

Matthew 26:62

Me sak’iy fare Prist ni Th’abi Ga’ me ga’ar ngak Jesus, “Dariy ban’en ni ga ra yog ni fulweg ko re bugithin ney ni kanog nib togopluw ngom?”

Matthew 27:12

Machane de yog ban’en nib togopluw ko tin keyog e pi tolang ko prist nge pi’in pi’ilal nib togopluw ngak.

Matthew 27:14

Machane me par Jesus nde fulweg ta’ab bug fapi thin, ma aram me par fare am ni kari balyangan’.

Matthew 27:40

“I gur faram e mfiney ni ngam buthug e Tempel ngam toy u lan dalip e rran nge m’ay! Fa’anra Fak Got gur, me ere mu guy rogon nge siy ku mum’! Ma ga luw nga but’ ko re kuruth nir!”

Matthew 27:43

Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”

Matthew 27:54

Ma en nib tolang ko salthaw nge salthaw ni yad bay rok ni yad be matanagiy Jesus e ra guyed e re durru’ nem nge urngin ban’en ni cheag ngay nge m’ug, miyad rus me lungurad, “Riyul’ ni ir Fak Got!”

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

Mark 14:61

Machane me par Jesus nike th’ab gulungan nde yog ta’ab bugithin. Miki fith fare Prist ni Th’abi Ga’ Jesus bayay ni ga’ar, “Mog, i gur fare Messiah ni Fak e en ni yibe tayfan ni aram Got?”

John 1:34

Me ga’ar John, “Kug guy, ere gu be yog ngomed ni ir fa’anem ni Fak Got ir.”

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 10:24

me mu’ulung yu Israel ngak ngar cholngobiyed miyad fith ni lungurad, “Uw n’umngin nap’an ni ngam tem ni ga be maruwar u wun’mad? Mog ngomad e tin nib riyul’: i gur fare Messiah fa danga’?”

John 10:30

Chitamag nge gag e gamow ba ta’reb.”

John 10:36

Mi gag e en ni Chitamangiy e duwgilyeg nge l’oegeg nggub ngaray nga fayleng. Ere ke di’in ma kamogned ni kug n’ag fan Got ni bochan e kugog ni Fak Got gag?

John 18:37

Ma aram me fith Pilate ngak ni ga’ar, “Ere gur be’ ni gab pilung?” Me fulweg Jesus ni ga’ar, “Kamog ni gag be’ ni gub pilung. Ni gargel nigeg ngaray nga fayleng ni bochan e nggu weliy murung’agen e tin riyul’. En ni girdi’en e tin riyul’ e ra rung’ag e thin ni gu be yog.”

John 19:7

Me fulweg yu Israel ngak ni lungurad, “Bay ba motochiyel romad ni be yog nthingari yim’, ya keyog ni ir e Fak Got ir.”

John 19:9

Me sul ngalan e naun me ga’ar ngak Jesus, “U uw e mub riy?” Machane de fulweg Jesus e n’en nike fith.

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

John 6:69

Ma chiney e ke mich u wun’mad ma kug nanged ni gur Fa’anem ni Gab Thothup ni mub rok Got.”

John 8:25

Miyad fith ni lungurad ngak, “Ere gur mini’?” Me fulweg Jesus ni ga’ar, “I ir faram e kugog ngomed ko som’on.

2 Korinth 1:19

Yi Jesus Kristus, ni Fak Got, ni ir e kug machib niged Silas, nge Timothy murung’agen ngomed e gathi be’ ni ir e “Kefel’ ” nge “Danga’.” Gathi errogon, ya ir e “Kefel’ ” rok Got;

1 Peter 2:23

Ma fa’an nog e thin nib kireb ngak ma de tay puluwon ni thin nib kireb; ma fa’an nni gafgownag ma de ga’ar e bayi fulweg taban ngak e pi’in yad be gafgownag, machane me pag fan urngin ban’en ngak Got, ni ir fare Tapufthin nib mat’aw.

1 Samuel 14:24

Rofen nem e ke yim’ piyu Israel ko bilig, ya ke micheg Saul bbugithin u p’eowchen SOMOL nike ga’ar, “Ra buch wa’athan e cha’ nra kay ban’en e daba’ u m’on ndawor gu falbayen e pi to’ogor rog.” Ere dariy be’ ni kay ban’en ko binem e rran ni polo’.

1 Samuel 14:26

Re gi garger nem e ba sug ko honey nib athib, machane dariy be’ ni kay buchu’uw, ya yad gubin ni kar rusgad ko buch wa’athan ni yog Saul nra yib ngorad.

1 Samuel 14:28

Me ga’ar reb fapi salthaw ngak, “Gubin e girdi’ nike m’ay gelngirad ni bilig, ma kug magaergad ko tin keyog e chitamam nike ga’ar, ‘En nra kay e ggan e daba’ e nge buch wa’athan.’