Matthew 26:49 - Bible Ni Thothup

⁴⁹ Ma nap’an ni taw Judas me yan ngak Jesus me ga’ar, “Tamchib, nge yib e gapas ngom,” me faray owchen.

Matthew 26:49 Iomraidhean Croise

Genesis 27:26

Me ga’ar e chitamngin ngak. “Fakag, mu chugur ngog ngam faray owcheg.”

2 Samuel 20:9

Me ga’ar Joab ngak Amasa, “Fager rog, ke uw rogom boch?” Me yan Joab i kol roben Amasa ko ba’an mat’aw i pa’ ni bod ni nge faray owchen.

Proverbs 27:6

Ra puwan’ e fager rom ngom ma bfel’, mra palyag e to’ogor rom ngom ma ngam kol ayuw.

Matthew 23:7

yad ba’adag ni ngan siro’ ngorad min tay farad ko yangi n’en ni bay e market riy me pining e girdi’ e ‘Tamchib’ ngorad.

Matthew 23:8

Thangri dab ni pining e ‘Tamchib’ ngomed, ya gimed gubin nra bigimed ma walagen bigimed, ma ta’reb e Tamchib romed ni bay.

Matthew 26:25

Me fith Judas ni ir e yagnag Jesus ni ga’ar, “Tamchib, gathi gag e ga be yogneg fa?” Me fulweg Jesus ni ga’ar, “I gur e kamog.”

Matthew 26:48

Ma aram e ke pi’ e en ni yagnag Jesus e pow ngak fa pi’in kar uned ngak ni ga’ar ngorad, “Re mo’on ni gu ra faray owchen e aram e cha’ ni gimed be finey, mi gimed kol!”

Mark 15:18

Miyad tabab ko siro’ ngak ni bod ni yima siro’ ko pilung ni be lungurad, “Nge n’uw nap’an ni par e pilung rok piyu Israel!”

Luke 7:45

Me gur e nap’an ni gub nga tabinaw rom ma da mfaray owcheg, me ir e nap’an ni gub nga naun ma dawori tal ni yugu be faray e rifrif u eg.

John 19:3

miyad yib ngak me lungurad, “Nge n’uw nap’an ni par e pilung rok piyu Israel!” Miyad yan ngak ngar batniged.

John 4:31

Ma ngiyal’nem e be wenig pi gachalpen Jesus ngak Jesus ni be lungurad, “Tamchib, mu koy ban’en!”

1 Thessalonika 5:26

Urngin e pi’in kam walagyed u daken Kristus ni gimed ra mada’ ma ngam farayed owcherad nrogon e pi’in kar walaggad u daken Kristus.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray: