Matthew 24:6 - Bible Ni Thothup

⁶ Bay mu rung’aged lingan e mael nib chugur nge murung’agen e mael nib orel; machane mu telmed, dab mu rusgad. Ya pin’ey e thangri yib, machane gathi fan e pin’ey e aram e ke taw nga tomuren urngin ban’en.

Matthew 24:6 Iomraidhean Croise

Psalms 112:7

Der marus nra rung’ag e tin ke buch ban’en; ba gel e michan’ rok, mma pagan’ ngak SOMOL.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 7:4

Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Jeremiah 47:6

Mu yorgad ngalang ni gimed be ga’ar, ‘Saydon rok SOMOL! Uw n’umngin nap’an ni ngam dumow? Mu sul ngalan tafen e saydon, mu par u rom ngam toffan!’

Ezekiel 21:28

“Fak e girdi’, mu yi’iy. Mu weliy ko girdi’ nu Ammon e n’en ni gu be yog, I Gag SOMOL ni Th’abi Tolang, yad be dariyfan nag yu Israel. Ere mu ga’ar ngorad: ‘Ba saydon e ke fal’eg rogon ni nge cham; Kan gichiy ni nge mathang pogofan, nge mat ni bod e uluch.

Matthew 2:3

Ma fa’ani rung’ag Herod ni Pilung ni aram rogon me rus, ma ku errogon urngin e girdi’ nu Jerusalem.

Matthew 24:14

Ma re Thin rok Got ney Ni Bfel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomuren e fayleng.

Matthew 26:54

Machane fa’anra gu rin’ ni aray rogon, mra di’in me m’ug nib riyul’ e tin be yog e babyor nib thothup nike yog nthingari m’ug ni aray rogon?”

Luke 21:19

Ere mpired ni gimed bmuduwgil, ya ireray rogon me yag e yafos ngomed.”

Luke 21:9

Dab mu rusgad ko ngiyal’ ni gimed ra rung’ag murung’agen e mael nge girdi’ ko pi nam ni yad be mael ko am rorad; ya pin’ey e thangri yib i m’ug ni ir e mm’on, machane gathi fan e pin’ey e eram e ke chugur nga tungun.”

Luke 22:37

Ya nggog ngomed ni fa gin’en ni bay u lan e babyor nib thothup ni fa’ani be ga’ar, ‘Min uneg fa’anem nga fithik’ e pi’in kar th’abed e motochiyel,’ e thangri yib i m’ug nib riyul’ u murung’ageg. Ya n’en nni yoloy ni murung’ageg e bay yib i m’ug nib riyul’.”

John 14:1

Me ga’ar Jesus ngorad, “Dabi magafan’med ma dabi wagagey lanin’med. Nge mich Got u wun’med, mu kug mich u wun’med.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

2 Thessalonika 2:2

ndab mu gurgad nge wagagey lanin’med ngarogon e leam ni gimed be tay ara mu rusgad ni bochan e kanog ni re Rran nem ni nge yib Somol riy e ke taw. Sana be leamnag boch e girdi’ ni ku gogned e re bugithin ney ko ngiyal’ ni gamad be yi’iy ara gamad be machib, ara kug yoloyed nga babyor ke yan ku be’.

Revelation 6:4

Me yib ba os nib row, ni en ni bay u daken e kan pi’ gelngin ni nge fek e mael nga daken e fayleng, ni aram e ngi i cham e girdi’ ngu’ur li’ed yad ngu’ur m’ad; ma kan pi’ ba saydon ngak ni ba ga’.