Matthew 24:5 - Bible Ni Thothup

⁵ Ya bo’or e girdi’ ni bay rabad ni yad be fek fithingag, nra bagayad ma be ga’ar, ‘I gag fare Messiah!’ Miyad bannag e girdi’ ni bo’or.

Matthew 24:5 Iomraidhean Croise

Jeremiah 14:14

Ma aram me fulweg SOMOL ni ga’ar, “Tinir e profet ni go’ bogi ban’en e yad be lifith l’ugunrad u fithingag; da gu l’oegrad ara gog ngorad e tin ni ngar rin’ed, ara gu welthin ngorad. Pin’en ni yad be weliy ngomed nni piliyeg e changar rorad ngar guyed, e gathi gag e yib rog, ya bogi yi’iy nib m’ay fan, ma bogi n’en ni sum ko leam rorad.

Jeremiah 23:21

I SOMOL e ke ga’ar, “Gathi gag e gol’og e pi profet nem, machane ka ranod ngak e tirog e girdi’. Dariy bugithin ni gog ngorad, machane yad be yi’iy ni be lungurad e gag e thin rog.

Jeremiah 23:25

Fapi profet ni yad ma lifith l’ugunrad e gu manang e thin ni yad be weliy ni be lungurad i gag e gog ngorad u malik’ay.

Jeremiah 37:9

I Gag SOMOL e gu be puguran ngomed ni nge dab mu ban niged gimed ngu’um leam niged ndabki sul yu Babylon, ya yad ra sul

Matthew 24:11

Ma aram e bo’or bogi profet ni yigo’o bogi ban’en ni bay ra m’uggad ngar ban niged bo’or e girdi’.

Matthew 24:24

Ya bayi m’ug boch e Messiah nge profet ni yigo’o bogi ban’en; ma bay ur ngongliyed e maang’ang nge bogi n’en ni yira ngat ngay, ni bochan e fa’an mang e rayag miyad bannag e pi’in girdi’en Got ni Got e ke mel’egrad.

John 5:43

Ku gub ngomed ni gag owchen e Chitamag, machane dabumed gag; mra yib be’ ni ir rok e ke yib rok, ma ri gimed ra felfelan’ ngak nike yib.

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

John 8:28

Ma aram me yog Jesus ngorad ni ga’ar, “Ngiyal’ ni bay mu tininged e en ni Fak e Girdi’ ngalang e bay mu nanged ni ‘Gag E En Ni Gag’; ma aram e bay mu nanged ndariy ban’en ni kug rin’ ni gag e leam rog, machane kemus ni gu be yog e tin nike yog e en ni Chitamangiy ngog ni nggog.

1 John 2:18

Pifakag, ke chugur nga tungun! Kanog ngomed ni bay yib e To’ogor rok Kristus; me ere chiney e bo’or e to’ogor rok Kristus nike yib i m’ug, ma aram fan ni kad nanged nike chugur ko tungun.

1 John 2:22

Ere mini’ e en ni be lifith l’ugun? En ni ir e be yog ni Jesus e gathi ir fa’anem i Kristus. Ireram e cha’ ni ir e To’ogor rok Kristus — ya ir e dabun e en ni Chitamangiy nge en ni Fak.

1 John 4:3

Ma en nra weliy nde riyul’ e re bugithin ney ni murung’agen Jesus, e dariy rok fare Kan Nthothup ni yib rok Got. Ya re kan ni ba’aram ni bay rok e ke yib rok e To’ogor rok Kristus; kam rung’aged ni bay yib, me ere chiney e ke taw ngaray nga fayleng.

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.