Matthew 24:41 - Bible Ni Thothup

⁴¹ Ra bay l’agruw i ppin ko fen e bil flowa, ni yow be bilig e flowa, ma bay ni fek bagayow nge yan, mi ni pag bagayow.

Matthew 24:41 Iomraidhean Croise

Exodus 11:5

ma urngin e bitir ni pumo’on ni nganni’ nni gargelegrad u Egypt e bay ra m’ad, ni bin nganni’ i fak Farao nib pagel ni ir e ra yan nga luwan Farao nge mada’ ko bin nganni’ e pagel ni fak be’ ni bpin nib sib nma bilig e grain nge ngal’ ni flowa u fen e bil flowa. Ma ku er rogon e bin som’on u fak urngin e garbaw ni bay yim’.

Isaiah 47:2

Mu cheleg e malang nib tlulbuy! Ngam blig e wheat ngay! Mu luf e mad u owchem ma ga luf e mad u dakenam ni fafalel’! Mu ker e sikato rom ngalang ngam th’ab e pi lul’.

Matthew 24:40

Re ngiyal’ i n’em e ra bay l’agruw i pumo’on ni yow be maruwel u milay’, ma bay ni fek bagayow nge yan, mi ni pag bagayow.

Luke 17:35

Mra bay l’agruw i ppin ni yow be bilig e flowa u ta’bang, ma bay ni fek bagyow nge yan, mi ni pag bagayow.”

Deuteronomy 24:6

“Ngiyal’ nra ning be’ ban’en ngom ni ku ra fulweg, ma dab mfek fen e bil flowa rok ngam tay rom ni talpen e richey made fulweg e tirom. Ga ra fek fen fare tabnaw ni yad ma pirdi’iy garad ngay, ma aram e kam fek e n’en ni yad ma pirdi’iy garad ngay ni nge tayrad ni ku yad bfos.