Matthew 20:12 - Bible Ni Thothup

¹² ni be lungurad, ‘Pi pumo’on ni ba’aray nni pi’ e maruwel ngorad u tomur e ta’reb e awa nra maruwelgad, ma gamad e polo’ e rran ni gu maruwelgad u tarama’en e yal’ nib gel — machane kam pi’ puluwrad nta’reb rogon nga puluwmad!’

Matthew 20:12 Iomraidhean Croise

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Malaki 1:13

Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?

Malaki 3:14

Ke lungumed, ‘Mm’ay fan e pigpig ni ngan tay ngak Got. Dakuriy fan ni ngad rin’ed e tin be yog, fa da guyed rogon ni ngad daged ngak SOMOL ni Gubin ma Rayag Rok nike kolngan’dad ko tin kad rin’ed.

Matthew 20:11

Miyad fek e salpiy rorad miyad gun’gun’nag e en ni pi’ e maruwel ngorad ni yad be togopluw ngak,

Luke 12:55

Ma fa’an gimed ra thamiy e nifeng nike thow u lan e yimuch me lungumed, Bayi gel e gowel, me yodorom.

Roma 3:27

Ere mang e kabay ni gomanga gadad ra weliy nib sorodad riy? Dariy! Ma mang tapgin? Bochan e gadad be fol ko Motochiyel? Danga’, machane bochan e ke mich Jesus u wan’dad.

Roma 3:30

Ya Got e ri ta’reb ni bay, mra mat’awnag piyu Israel ngak u daken e michan’ rorad ngak Jesus, ma ku errogon e pi’in gathi yad piyu Israel nu daken e michan’ rorad ngak Jesus e ra mat’awnagrad Got riy ngak.

1 Korinth 4:11

Ke yan i mada’ ko re awa ney ma gamad be yim’ ko bilig nge belel; ma gamad be yin’ e mad nib mogchoth; yibe li’mad; ma gamad be milekag i yan;

Efesus 3:6

Re bugithin nem nib mith e ba’aray: fare Thin Ni Bfel’ e ir e ke ayuweg e pi’in gathi yad piyu Israel kar cheaggad ngak piyu Israel kefel’ rogorad ko tin be pi’ Got kar manged yu yang u ta’ab dowef, ma be fel’ rogorad ko tin ni yog Got nra pi’ u daken Kristus Jesus.

James 1:11

Ma fa’ani tolang e yal’ me yib gowelngin nib gel me mororey fare ke floras; me mul e floras riy, ma ya’an ni immoy ni bfel’ e ke kireb. Ere ku ireray rogon e cha’ ni pire’ ban’en rok ni bayi yim’ ko ngiyal’ ni ka be muruwliy e tirok’ riy.