Matthew 2:13 - Bible Ni Thothup

¹³ Nap’an ni kar chuwgad me m’ug ba engel rok Somol ngak Josef u malik’ay ni be ga’ar ngak, “Mu od, mfek fare tir nge chitiningin ngam milnagrow nga Egypt, ma ga par u rom nge mada’ ko ngiyal’ ni bay gog ngom ni ngam chuw u rom. Ya bayi gay Herod e re tir nir ni nge li’ ngem’.”

Matthew 2:13 Iomraidhean Croise

1 Kings 11:17

ma kemus ni Hadad nge ku boch e pi tapigpig rok e chitamngin ni bogi Edomite e dan li’rad, ya ra milgad nga Egypt. (Ngiyal’nem e ka bochi tir Hadad.)

1 Kings 3:5

U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”

BABYOR NI JOB 33:15

Ra nep’ nike mol e girdi’, ma Got e ma non u malk’ay nge changar nma pilyeg.

BABYOR NI JOB 33:17

I non Got ngorad ni ngar talgad ko denen me aywegrad nge dabki tolngan’rad.

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

Matthew 1:20

Ma nap’an ni ka be leamnag ni aram rogon, me mol me m’ug ba engel rok Somol ngak u malik’ay me ga’ar ngak, “Josef, ni gur owchen e ganong rok David, dab mu tamdag ni ngam fek Maria nge mang le’engim. Ya gelngin fare Kan Nthothup e ke yib ngak Maria ke diyen.

Matthew 10:23

Ma ngiyal’ ni yad ra gafgow nagmed riy u reb e binaw, e ngam milgad nga reb e binaw. Ya nggog ngomed, ndabiyag ni gimed ra mu’nag e maruwel romed u lan gubin e binaw nu Israel u m’on ko ngiyal’ nra yib e en ni Fak e Girdi’ riy.

Matthew 2:12

Me yog Got ngorad u malik’ay ndab kur sulod ngak Herod; ma aram miyad sul nga taferad u yugub pa’ e kanawo’.

Matthew 2:14

Me sak’iy Josef, nge fek fare tir nge chitiningin, nge yan ni kab neap’ nga Egypt,

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Matthew 2:22

Ma nap’an ni rung’ag nike yan Arkelaus ko liw rok Herod ni chitamngin ni ir e kemang pilung nu Judea, me tamdag Josef ni nge par u rom. Minog ngak u malik’ay e tin nge rin’, ma aram me yan ko nug nu Galile,

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Acts 10:7

Ma aram me yan fare engel ni yib i non ngak, me pining Kornelius l’agruw i tapigpig rok nge ba salthaw, ni be’ nma liyor ngak Got u wan’ ni ir bagayad fa pi’in yad ma pigpig ngak Kornelius.

Acts 12:11

Ma aram mfini nang Peter e n’en nike rin’, me ga’ar, “Chiney e ka fini gu nang nriyul’! I Somol e ke l’oeg e engel rok, ke yib i ayuwegneg rok gelngin Herod ngu urngin e tin ke leamnag piyu Israel ni ngar rin’ed ngog.”

Acts 12:7

Mi yigi yib ba engel rok Somol i sak’iy ngaram, me tamilang u lan fare kalbus. Me tay fare engel pa’ nga pon Peter nge rurug, nge pug me ga’ar ngak, “Mu gur nigem ngam sak’iy!” Ka chingiyal’ nem me mul fapi chen u pa’.

Acts 16:36

Me yog fa en ni pilungen e kalbus fapi thin ngak Paul ni ga’ar, “Ke pi’ fapi tolang e thin ke yib ni ngan pagmew Silas, ere rayag ni ngam marow u fithik’ e gapas.”

Acts 5:19

Machane re neap’ i n’em e yib ba engel rok Somol i bing e pi garog ko kalbus, me pow’iy fapi apostel nga wuru’ e kalbus, me ga’ar ngorad,

Acts 7:19

Mi i bannag e girdi’ rodad ma rib kireb e n’en ni i rin’ ngak e pi chitamangidad, mi i gelnag e thin ngorad ni ngar ted pifakrad ni kabran nga waen, ni fan e ngarm’ad.

Joshua 3:13

Ma pi prist ni yad be mat’nag fare Kahol ko M’ag rok SOMOL ko fayleng ni ga’ngin e nap’an ni yad ra tay e rifrif rorad nga fithik’ e ran, me tal e ran ko fare lul’ ni Jordan ndabki yan, ma ran ni be yib u p’ebugul e lul’ e bayi mokun nga ta’bang.”

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

Joshua 4:10

Me par fapi prist ni yad ba sak’iy u lukngun e lul’ ni Jordan nge mada’ ko ngiyal’ ni kan rin’ urngin e tin ni yog SOMOL ngak Joshua ni nge weliy ngak e girdi’ ngar rin’ed. Irera’ e n’en ni yog Moses ni ngan rin’. Me gurnag piyu Israel yad ngar th’abed e lul’ nga baraba’.

Joshua 4:18

Ma nap’an ni yib fapi prist ko gin nib mlik nga daken mirichlen e lul’, ma aram mfini yan e ran u lan fare lul’ bayay, nge sug ngalang.

Revelation 12:14

Ma fare pin e kan pi’ pon ni l’agruw raba’ ni bod pon ba arche’ ni eagle ni ba ga’ ni bochan e nge yag ni changeg nge yan ko gin ntafen u daken e ted, ko gin ni bay ni ayuweg riy ndalip e duw nge baley, ndabiyag ni nge yib fare porchoyog i cham ngak.

Revelation 12:4

Me girngiy ba guruy u dalip e guruy ko t’uf u lanelang nga p’ebuk’ nge yin’ nga daken e fayleng. Me sak’iy ngam’on rok fare pin, ni bochan e nga yigi gargel fare pin me longuy fak.

Revelation 12:6

Me mil fare pin nga daken e ted ko gin ke fal’eg Got rogon ni nge par riy; ni aram e gin ni bay ni ayuweg riy ni ragag nge l’agruw mir’ay nge nel’ i ragag e rran.