Matthew 19:26 - Bible Ni Thothup

²⁶ Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e urngin ban’en mrayag rok.”

Matthew 19:26 Iomraidhean Croise

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

1 Kings 17:16

De m’ay e flowa u lan fare raba’ i n’em, ma de m’ay e gapgep u lan fare rume’, ni bod ni micheg SOMOL ngak fare pin u l’ugun Elijah.

BABYOR NI JOB 42:2

SOMOL, gu manang ni gubin mrayag rom; ni gubin e tin ga ra finey mrayag rom ni ngam rin’.

Psalms 3:8

Gel ni yima tay e ma yib rok SOMOL— mang e yigi fal’eg wa’athan e girdi’ rok.

Psalms 62:11

Ke yo’oryay ni kug rung’ag nike yog Got ni gelngiy e bmilfan ngak,

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 32:27

“I Gag fare SOMOL, ni Got ko gubin mit e girdi’. Dariy ban’en nib mom’aw ngog.

Zekariah 8:6

“Ran’ey e sana ra leamnag e pi’in ni magach ko fare nam ni dabiyag, machane dariy ban’en ndabi yag rog.

Numbers 11:23

Me fulweg SOMOL ni ga’ar, “Gur bay ban’en ndabiyag rog? Daba’ e bay mu guy ko ra yib i m’ug nib riyul’ e tin kugog ngom fa dangay!”

Matthew 19:25

Ma fa’ani rung’ag pi gachalpen e re bugithin nem mi ri yad gin ngay. Miyad fith ni lungurad, “Ere mini’ e rayag ni nge thap ngak Got?”

Matthew 19:27

Me non Peter ni ga’ar, “A mu guy, kug paged gubin ban’en kug uned ngom. Ere mang e bayi yag ngomad.”

Mark 10:27

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e rayag rok; ya Got e gubin ban’en mrayag rok.”

Luke 1:37

Ya dariy ban’en ndabiyag rok Got.”

Luke 18:27

Me fulweg Jesus ni ga’ar, “N’en ndabiyag rok e girdi’ e rayag rok Got.”

Hebrews 6:6

Nge mu’ miyad thay! Ri dabkiyag ni ngan fulwegrad ngar kolgad ngan’rad bayay miyad pi’ keru’rad ko denen, ni fan e kar sulod kar richibiyed e en ni Fak Got ko kuruth bayay kar tamra’niged nga fithik’ e girdi’.

1 Samuel 14:6

Me ga’ar Jonathan ngak fare pagel, “Ngad th’abew e kanawo’ nga baraba’ ngdarow ko gin be par e pi Filistine riy, ni bogi ni’ ndar nanged Got. Sana ra ayuwegdow SOMOL; fa’anra rin’, ma rib muduwgil nra gagiyegnag ngad gelgow, ndariy fan ni ara’ rogon nri gadow l’agruw.”