Matthew 17:5 - Bible Ni Thothup

⁵ Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 17:5 Iomraidhean Croise

BABYOR NI JOB 38:1

Me welthin SOMOL u fithik’ ba nanyor nge yib laman ngak Job.

Psalms 81:7

Nap’an ni yib e oloboch ngomed, mi gimed piningeg, mu gu chuwegmed u fithik’. Gu fulweg lungumed u tagl’ig ni bay u fithik’ e yoko’ nib mith. Gu sikeng nagmed ko fare alublub nu Meribah.

Exodus 19:19

Mi i ga’ laman fare yabul ni be thow. Me non Moses, me fulweg Got lungun nga lingan e dirra’.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 42:21

I SOMOL e ba Got ni ba’adag ni nge chuwegem u pa’ e to’ogor rom, ere ba’adag ni ngan tayfan e motochiyel nge thin rok.

Matthew 12:18

“I ga’ar Got, ba’aray e tapigpig rog ni gag e kug turguy, ni en nib t’uf rog, nrib felan’ug ngak. Bay gu tay e Kan ni Thothup rog nga daken, ma bayi weliy ngak e girdi’ ni urngin murung’agen e pufthin ni gu ra tay ko girdi’.

Matthew 17:6

Ma fa’ani rung’ag pi gachalpen fare lam me ri yib e tamdag ngorad nib gel ma aram miyad palpal nga but’.

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Mark 1:11

Me rung’ag ba lam u tharmiy ni be ga’ar, “I gur Fakag, ni gab t’uf rog, ni kari felan’ug ngom.”

Mark 9:7

Me yib i m’ug bangi manileng nge tagalul’ nagrad, me yib ba lam u fithik’ fa gi manileng ni ga’ar, “Ireray Fakag nrib t’uf rog, ere mu telmed ngak!”

Luke 3:22

me yib fare Kan Nthothup u lang i yib nga daken ni bod ya’an ba arche’ ni dove. Me yib ba lam u tharmiy ni be ga’ar, “I gur Fakag ni gab t’uf rog, kari felan’ug ngom.”

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

John 3:35

En ni Chitamangiy e ba t’uf Fak rok ma ke pag fan urngin ban’en ngak.

John 5:37

Ma en ni Chitamangiy ni ir e ke l’oegeg ku gub e ku errogon ir ni be weliy murung’ageg. Dawor mu rung’aged laman bi’id, ma dawor mu guyed owchen bi’id;

Acts 1:9

Fa’ani mu’ i yog rok e re bugithin ney, mi ni fek ngalang nga tharmiy ni yad be guy, nge yan i chuw nga fithik’ bangi manileng nge dakur guyed.

Acts 7:37

I ir fare Moses ni yog ngak piyu Israel ni ga’ar, I Got e bayi pi’ ba profet nge yib ngomed, ni be’ ni bayi sum romed ni bod rogog ni pi’eg nggub ngomed.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Deuteronomy 18:15

Ye SOMOL ni Got romed e bayi pi’ ba profet ngomed ni bod gag ni bayib i sum u fithik’ e tiromed e girdi’, ma ngu’um folgad rok.

Deuteronomy 18:19

Ra non u fithingag, ma gu ra gechignag e en nra siyeg ni nge fol rok.

Deuteronomy 5:22

“Irera’ e pi motochiyel ni pi’ SOMOL ngomed ni gimed gubin u nap’an nim mu’ulunggad ko fare burey. Nap’an ni non nib ga’ laman u fithik’ fare nifiy ngu fithik’ fa gi manileng nib dub’ag, ma irera’ e pi motochiyel ni pi’ ma dakriy boch ngabang. Ma aram me yoloy ni gubin nga daken l’agruw yang i malang nge pi’ ngog.

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Revelation 14:14

Mu gu sap mu gguy bangi manileng nib wechwech, nike par be’ nga daken ni bod ya’an be’ nib mo’on, ni bay e te’eliyaw u lolugen nib gol ma bay bangi kama u pa’ nib m’uth.