Matthew 15:10 - Bible Ni Thothup

¹⁰ Me pining Jesus fapi girdi’ ni aram urngirad ngarbad ngak me ga’ar ngorad, “Mu telmed, mi gimed guy rogon ngam nanged fan!

Matthew 15:10 Iomraidhean Croise

1 Kings 22:28

Me ga’ar Mikayah ngak Ahab, “Fa’an ga ra sul nde buch ban’en rom, me ere gathi SOMOL e ke non u l’ugunag!” Me ul ul ngay ni ga’ar, “Gimed gubin ni ngam rung’aged fapi thin ni kugog!”

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Isaiah 6:9

Me yog ngog ni nggu wan gu weliy ngak e girdi’ e pi thin rok ni ba’aray: “Gimed ra mmotoyil mmotoyilgad ma dab mu nanged fan. Ma demturug n’umngin nap’an ni gimed ra changar, ma dab mu nanged e n’en ni yibe rin’.”

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Matthew 15:11

Gathi n’en nra yan ngalan l’ugun be’ e ir e ra alitnag fa’anem; ya n’en nra yib riy nga but’ e ir e ra alitnag fa’anem.”

Matthew 15:9

Mm’ayfan e siro’ nge pigpig ni yad be tay ngog, ya pi motochiyel ni girdi’ e sunumiy e yad be machibnag ngak e girdi’ ni gowa pi motochiyel rok Got!’ ”

Matthew 24:15

“Bay mu guyed e N’en ni Th’abi Dabuy nike sak’iy u lan fa gin’en nib thothup, ni ir e fa’ani weliy Daniel ni profet murung’agen.” (En nra poy e re bugithin ney e ngari tiyan’ ngay nge nang fan!)

Luke 24:45

Ma aram me tamilangnag an’rad ngar nanged fan e pin’em ni bay u lan e babyor nib thothup,

Efesus 1:17

ma gu be wenig ngak e Got rok e Somol rodad i Jesus Kristus, ni ir e Chitamangiy nib th’abi fla’ab, ni nge ayuwegmed fare Kan Nthothup, ni ir e bayi pi’ e gonop ngomed me tamilang nagmed nge yag ni ngam nanged Got.

Kolose 1:9

Ireray fan ni gubin ngiyal’ ma gamow be pi’ e meybil ni fanmed, ni fa ngiyal’ ni ba’aram ni gu rung’agew murung’agmed riy ke mada’ ko chiney. Gamow ma wenignag ngak Got ni nge tamilangnag lanin’med ngam nanged e tin nib magan’ ngay ni ir e ngam rin’ed, nib cheag urngin e gonop nge tamilangan’ ngay nma pi’ e Kan Nthothup rok.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.