Matthew 13:33 - Bible Ni Thothup

³³ Me yog Jesus reb e fanathin ngorad ni ga’ar: “Gagiyeg nu tharmiy e bod e is ni fek be’ ni bpin nge athkuy nga ba dabiy i flowa me thownag fa gi flowa ni ga’ngin.”

Matthew 13:33 Iomraidhean Croise

Genesis 18:6

Me gurnag Abraham ir ngalan e tent me ga’ar ngak Sarah, “Mu gur nigem, ngam fek guyey e pawn ko tin th’abi fel’ e flour rom ngam ngongliy rogon ngam lith.”

2 Samuel 13:6

Ma aram me dake m’arnag Amnon ir nge par u chob. Me yan David ni Pilung i guy, me ga’ar Amnon ngak, “Wenig ngom mu pag Tamar nge yib e ngaray ko gin ni gu ra guy riy nge ngongliy in e kek, nge pi’ ngog nggu way.”

BABYOR NI JOB 17:9

Pi’in yad ma leamnag ni bfel’ e ngongol rorad e ka ra tared u wan’rad ni yad e ba sororad.

Proverbs 4:18

Fare pa’ i kanawo’ nma yan e girdi’ nib mat’aw u daken e bod e yal’ ni nge m’ug, ni be ga’ ra’en i yan nge mada’ ko ngiyal’ ni kari rran.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Matthew 13:24

Miki yog Jesus reb e fanathin ngorad ni ga’ar: “Gagiyeg nu tharmiy e bod be’ nib mo’on ni wereg awochngin e woldug ni bfel’ u milay’ rok.

Mark 13:20

Machane ke lichnag Somol e pi rran nem; ya fa’an mang e dabi rin’ ni aram rogon ma dariy be’ nra fos. Ni bochan e pi’in girdien Got nike mel’egrad, ma ke lich nag e pi rran nem.

Luke 13:21

Bod rogon e n’en nma thownag e flowa ni fek be’ ni bpin nge athkuy nga ba dabiy i flowa me munmun me thow fa gi flowa ni ga’ngin.”

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

Galatia 5:9

Ba’aray bbugithin ni yima yog nike lunguy, “Ri bochu’uw e is ni yira yin’ ko flowa me thownag fare flowa ni polo’ ni kan gelgiy.”

Filippi 1:6

Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.

Judges 6:19

Me yan Gideon ngalan e naun rok nge lith ba kaming ni kab bitir, me ngongliy gonap’an reb e dabiy e flowa ndariy e is riy. Me tay e ufin riy ngalan ba dug me tay l’ogowen ngalan ba th’ib, me fek i yib ngak fare engel rok SOMOL ni bay u tan fare ke gek’iy ni oak, me pi’ ngak.

1 Samuel 1:24

Ma nap’an ni pag fare tir e thuth, me fek nga Shiloh, me fek ba garbaw ni dalip e duw yangren nge un ngorad me fek nap’an rliw’ nge lal e pawn e flour nge ba tutuw ni keru’ e gamanman ni kan suguy ko wayin. Me fek Hannah fare tir ni aram rogon ni kab bitir, nge yan ko naun rok SOMOL u Shiloh.